Мадриддаги “Реал” клуби бош мураббийи Карло Анчелотти “Атлетико”га (1:1) қарши ўйнаган баъзи футболчиларнинг хатти-ҳаракатларидан ғазабланган. Бу ҳақда Footmercato хабар бермоқда.
Манбага кўра, италиялик мураббий тўрт футболчининг кўрсатган ўйинидан норози бўлган. Булар — Килиан Мбаппе, Жуд Беллингем, Винисиус Жуниор ва Родриго. Айнан шу футболчиларга “фантастик тўртлик” дея ном берилган.
Анчелотти футболчиларнинг ҳужумлар пайтида ўзларининг индивидуал ҳаракатларига эътибор бериши оқибатида, кўпинча жамоадошларини эътиборсиз қолдираётганидан ғазабланган. Шунингдек, мураббий уларнинг ҳимоядаги ўйинига ҳам норозилик билдирган — ҳужумчилар ҳимояга умуман қайтмаган ёки жуда секин қайтган.
Анчелотти футболчилардан унинг фикрларидан хулоса қилиши кераклигини, акс ҳолда бошланғич таркибда ўзгартиришлар киритишга тайёрлигини билдирган.
Маълумот учун, бугун 11 февраль куни “Реал” “Ман Сити”га қарши майдонга тушади.
Изоҳ (0)