“Манчестер Сити” бош мураббийи Хосеп Гвардиола АПЛнинг 24-турида “Арсенал”га учрашувда йирик ҳисобда учралган мағлубият ҳақида фикр билдирди.
“Бундай ўйиндан кейин дарҳол бирор сўз топиш қийин. Ғуруримиз топталди. Учрашувни томоша қилишга келган мухлислардан узр сўрайман. Охирги 30 дақиқада кўрсатган ўйинимизни ҳеч қандай оқлаб бўлмайди.
Бундай вазиятда бўлиш ёқимсиз, айниқса жамоанг ўз даражасида ўйин кўрсата олмаса. Яхши ўйнаётган эдик, ҳисоб ҳам тенг эди. Лекин ўйиннинг якуни мени ғазаблантирди. Нима сабабдан бундай бўлиб кетганини ҳали ҳам тушунолмаяпман. Футболчиларда ўйинга иштиёқ бор эди. Барчамиз бирлашишимиз керак”, деди Гвардиола.
Бундан ташқари, мураббий учрашувдан олдин Ҳусанов ҳақида ҳам фикр билдирган эди.
“Қанчадан қанча топ ҳимоячилар Ҳусановдек хатоларга йўл қўяди. Мен “Челси”га қарши учрашувдаги хато учун Ҳусановни айбламоқчи эмасман.
Мен уни на жамоадошлари олдида, на шахсан танқид қилдим. У атиги 1 марта машғулот ўтказиб, “Челси”га қарши ўйнади. Янги жамоада, бошқа тилда суҳбатлашиладиган мамлакатда. Бундай шароитда мен ҳам АПЛда дебют қилсам, менга ёрдам беришларини истардим.
Ҳозирда Ҳусанов билан барчаси жойида. У машғулотларда ажойиб тарзда ишлади. У бор эътиборини ишга қаратган. Барчаси жойида”, дея Гвардиоланинг сўзларини келтиради Goal нашри.
Маълумот учун, 24-турда “Арсенал”га қарши ўйнаган “шаҳарликлар” 1:5 ҳисобида мағлубиятга учради. Абдуқодир Ҳусанов захирада қолдирилди.
Изоҳ (0)