“Manchester Siti” bosh murabbiyi Xosep Gvardiola Chempionlar Ligasi umumiy bosqichining 7-turida jamoasining 2:4 hisobidagi mag‘lubiyati haqida fikr bildirdi. O‘yinda “shaharliklar” 2:0 hisobida oldinda borayotgan edi.
“Birinchi bo‘limda bizda ham ularda ham imkoniyatlar bo‘ldi. Raqib bizdan yaxshiroq o‘ynadi. Biz besh daqiqada gollar urdik, ular ham besh daqiqada ikkita gol urdi. Birinchi o‘tkazib yuborilgan goldan so‘ng, o‘zimizni yo‘qotib qo‘ydik. O‘sha paytda ular jonlandi. Tez o‘ynab, kurashlarda ustun keldi. Biz bunga bardosh bera olmadik”, deb Gvardiolaning so‘zlarini keltiradi Mirror.
Ma’lumot uchun, hozirda “Manchester Siti” Chempionlar Ligasi turnir jadvalida 8 ochko bilan 25-o‘rinni egallab turibdi. Jamoa Chempionlar Ligasi pley-off bosqichiga to‘g‘ridan-to‘g‘ri chiqish imkoniyatini yo‘qotgan. So‘nggi turda jamoani g‘alabadan boshqa hech qanday natija qanoatlantirmaydi.
Avvalroq murabbiy O‘zbekiston milliy jamoasi Abduqodir Husanov haqida fikr bildirgan edi.
Izoh (0)