Panama prezidenti Xose Raul Mulino 1-fevral kuni mamlakatga tashrif bilan keladigan AQSH davlat kotibi Marko Rubio bilan Panama kanalining tegishliligi masalasini muhokama qilishdan bosh tortdi.
Kanal masalasiga kelsak, bu mumkin emas. Men muzokaralar olib bora olmayman, ayniqsa, kanal orqali muzokaralar jarayonini boshlay olmayman. Masala yopilgan, kanal Panamaga tegishli, dedi Mulino mahalliy televideniye orqali efirga uzatilgan haftalik matbuot anjumanida.
Bloomberg’ning tegishli manbaga tayanib xabar berishicha, AQSH davlat kotibi Panamaga safari chog‘ida Gvatemala, Kosta-Rika va Salvadorda ham to‘xtashni rejalashtirgan.
Panama prezidenti Rubio bilan uchrashuv kun tartibi hozircha belgilanmaganini ta’kidladi.
Bizda, albatta, kelishib olishimiz mumkin bo‘lgan umumiy masalalar bor: migratsiya, narkotrafik, pul yuvish, bizning suvlarimiz orqali AQSHga giyohvand moddalar eksportining ko‘payganlik masalasi, dedi Mulino.
Joriy yilning 20-yanvar kuni AQSH Kongressida inauguratsiya nutqida Donald Tramp Panama kanalini qaytarib olish niyatini yana bir bor e’lon qildi.
Juda katta masala — Panama kanali. Bu kanalni Xitoy nazorat qilmoqda. Bu umuman to‘g‘rimi? Bu yomon holat. Jimmi Karter uni berganida, bu dahshatli xato edi, ammo u Xitoyga emas, Panamaga bergan edi. Endi esa Xitoy Panama kanalini nazorat qilmoqda. Biz bunday davom etishiga yo‘l qo‘ymaymiz, degan edi Tramp.
Panamaning BMTdagi elchisi Ela Alvaro de Alba ta’kidlashicha, BMTning ta’sis nizomiga muvofiq, mamlakatlar “o‘z xalqaro munosabatlarida har qanday davlatning hududiy yaxlitligi yoki siyosiy mustaqilligiga qarshi kuch ishlatish yoki tahdid qilishdan tiyilishadi”.
Xat BMT bosh kotibi Antoniu Guterrish nomiga yo‘llangan va Xavfsizlik kengashining 15 a’zosiga tarqatilgan. Panama 2025-2026-yillarda Xavfsizlik Kengashining doimiy bo‘lmagan a’zosi hisoblanadi.
Panama prezidenti munosabati
Prezidenti Xose Raul Mulino kanal ustidan suverenitet va egalik huquqi Panamada qolishini ta’kidlagan.
“Panama xalqi nomidan men AQSH prezidenti Donald Trampning inauguratsiya nutqidagi Panama kanali haqidagi so‘zlarini butunlay rad etishim kerak. Takror aytaman: kanal Panama va uning ma’muriyati nazorati ostida bo‘lib qoladi.
Dunyoning hech bir mamlakati rahbariyati bizning ishga aralashmaydi. Kanal hech kimga qarashli emas edi. Kurash 1999-yilda tugadi va keyingi 25-yil davomida biz kanalga to‘xtovsiz rahbarlik qilib, uni savdo va butun dunyo, shu jumladan, AQSH manfaati yo‘lida rivojlantirib keldik”, degan u.
Siyosatchi muloqot uchun har doim joy borligi, ammo Panama kanali suvereniteti va mulki Panamada qolishini qayd etgandi.
Izoh (0)