AQSHning saylangan prezidenti Donald Tramp Panamadan Amerika harbiy va savdo kemalarining Panama kanali orqali o‘tishi uchun tranzit to‘lovlarini pasaytirishni talab qildi. Aks holda siyosatchi Panama kanalini AQSHga qaytarish bilan tahdid qildi. Bu haqda Bloomberg xabar berdi.
AQSH 1914-yilda uzunligi 82 kilometr bo‘lgan kanal qurilishini yakunladi, ammo 1999-yilda sobiq prezident Jimmi Karter tomonidan imzolangan shartnomaga ko‘ra uni Panamaga qaytarib berdi. Bu qadamni Tramp “ahmoqona” deb atamoqda.
Mamlakatimizni butunlay talon-toroj qilish zudlik bilan to‘xtatilishi shart, dedi u.
Trampning ta’kidlashicha, Panama kanali AQSH uchun “hayotiy ahamiyatga ega” bo‘lib, u mamlakat iqtisodiyoti va milliy xavfsizligida hal qiluvchi rol o‘ynamoqda. Siyosatchi Xitoyning ham Panama kanalidan foydalanayotganidan norozi ekanini bildirdi. U bu kanalni topshirish bo‘yicha bitim shartlariga zid kelishini ta’kidladi.
U kimningdir manfaati uchun emas, balki biz va Panama bilan hamkorlik belgisi sifatida topshirilgan. Agar ushbu xayr-ehsonning ham axloqiy, ham huquqiy tamoyillariga rioya qilinmasa, biz Panama kanalini savol-javobsiz to‘liq qaytarilishini talab qilamiz.
Prezident Jimmi Karter rahbarligi davrida bu kanalni bir dollar evaziga berib yuborganida, uni faqat Panamaning o‘zi boshqarishi kerak edi, Xitoy yoki boshqa davlat emas, deya Trampning so‘zlarini keltirmoqda Bloomberg.
AQSH kanalning eng yirik foydalanuvchisi bo‘lib, har yili tranzit yuklarining qariyb to‘rtdan bir qismi uchun javob beradi. Trampning so‘zlariga ko‘ra, tranzit oqimining 70 foizdan ortig‘i AQSH portlariga yoki ulardan yo‘naltiriladi.
Izoh (0)