Grenlandiya bosh vaziri Mute Egede Donald Trampning orolni AQSHga berish haqidagi talablaridan keyin Daniya qiroli Frederik X bilan uchrashadi.
Bu haqda Daniya qirolligiga tayanib, Reuters agentligi xabar berdi.
“8-yanvar kuni Grenlandiya rahbari Kopengagenda Daniya qiroli bilan uchrashadi”, — deyiladi agentlik xabarida.
Avvalroq Tramp Grenlandiya AQShning bir qismiga aylanishi kerakligini aytib, uning milliy xavfsizlik va “erkin dunyo”ni, jumladan Xitoy va Rossiyani himoya qilish uchun strategik ahamiyatini ta’kidlagan edi.
Shuningdek, u Grenlandiya va Panama kanali ustidan nazoratni qo‘lga kiritish uchun harbiy kuch ishlatmaslikka va’da berishdan bosh tortdi.
Grenlandiya bosh vaziri Mute Egede Trampning bu so‘zlariga javoban Grenlandiya hech qachon sotilmasligini aytib o‘tgandi.
Grenlandiya 1953-yilgacha Daniyaning mustamlakasi edi. U hanuzgacha qirollikning bir qismi bo'lib qolmoqda, ammo 2009-yilda orol o'zini o'zi boshqarish va ichki siyosatda mustaqil tanlash imkoniyati bilan avtonomiyaga ega bo‘lgan.
Kecha, 7-yanvar kuni Donald Trampning Grenlandiyani sotib olish haqidagi tahdididan so‘ng Daniya gerbini o‘zgartirgani xabar qilingandi.
Frederik X Norvegiya va Shvetsiya bilan ittifoqqa ishora qilgan va 500 yildan ortiq vaqt davomida gerbda bo‘lgan uchta tojni olib tashlashni buyurdi.
Shu bilan birga, Grenlandiya va Farer orollari gerblari — oq ayiq va qo‘chqor — ikki qismga bo‘linib, ikkinchi va uchinchi maydonlarga ko‘chirilgan, Daniya va Janubiy Yutlandiya ramzlari esa birinchi va to‘rtinchi maydonlarga o‘tkazilgan.
Izoh (0)