Buyuk Britaniyaning Times Higher Education-THE reyting tashkiloti 22-yanvar kuni World University Rankings 2025 by Subject fanlar bo‘yicha dunyoning eng nufuzli oliygohlar ro‘yxatini eʼlon qildi.
Mazkur ro‘yxatga muvofiq, O‘zbekistonning 3 ta oliy taʼlim tashkiloti ilk marotaba THE tashkiloti tomonidan eʼlon qilingan fan reytingidan joy oldi.
- Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universiteti tabiiy fanlar, matematika va statistika yo‘nalishida 301–400, muhandislik yo‘nalishida 501–600 o‘rinlar oralig‘ida qayd etildi.
Ushbu natija universitet qishloq xo‘jaligi texnologiyalari va muhandislik fanlari sohasida yangi innovatsiyalarni joriy etishda yuqori salohiyatga ega ekanligi hamda tabiiy fanlar bo‘yicha olib borilgan tadqiqotlarning samaradorligini ko‘rsatadi.
- Mirzo Ulug‘bek nomidagi O‘zbekiston Milliy universiteti esa tabiiy fanlar, matematika va statistika yo‘nalishida 601–800 o‘rinlar oralig‘ida o‘z o‘rnini topdi.
Ushbu natija universitetning tabiiy fanlar bo‘yicha ilmiy-tadqiqot salohiyati va boy ilmiy anʼanalarga ega ekanligini tasdiqlaydi.
- Toshkent axborot texnologiyalari universiteti taʼlim yo‘nalishida 601+, kompyuter ilmlari va dasturlash texnologiyalari yo‘nalishida 1001+ o‘rinni egalladi.
Ushbu ko‘rsatkichlar universitetning zamonaviy texnologiyalarni rivojlantirish va taʼlim jarayonida ilg‘or yondashuvlarni joriy etgani hamda taʼlim tadqiqotlari, o‘qituvchilar malakasini oshirish va taʼlimdagi akademik tadqiqotlarining xalqaro ahamiyatini tasdiqlaydi.
Izoh (0)