Ijtimoiy tarmoqlarda nodavlat OTMlarining to‘lov-kontrakt shaklidagi o‘qitishdan tushadigan mablag‘lar bo‘yicha moliya yili oxiridagi qoldiq qismining 4 foizini Respublika oliy taʼlim kengashiga yo‘naltirishi haqida xabarlar tarqaldi. Holat yuzasidan Oliy taʼlim, fan va innovatsiyalar vazirligi izoh berdi.
Vazirlik mazkur masalada nodavlat OTMlariga shartnoma tuzish tavsiyaviy xarakterga ega ekanini hamda shartnomani imzolash majburiy emasligini yana bir bor maʼlum qiladi.
“Shu o‘rinda vazirlik davlat va nodavlat oliy taʼlim muassasalarini qo‘llab-quvvatlashni o‘zining ustuvor vazifalardan biri deb bilishini, eslatib o‘tamiz”, deyiladi xabarda.
2024-yilning dekabr oyida Respublika oliy ta’lim kengashining nodavlat oliy ta’lim tashkilotlari tomonidan Oliy ta’lim muassasalarini rivojlantirish jamg‘armasiga to‘lov-kontrakt shaklida o‘qitishdan tushadigan mablag‘larning 4 foizini o‘tkazish bo‘yicha chiqarilgan bayonnomasiijtimoiy tarmoqlarda keng muhokamalarga sabab bo‘lgandi.
Holatga Oliy ta’lim, fan va innovatsiyalar vazirligi munosabat bildirgandi.
“Respublika oliy ta’lim kengashi nodavlat notijorat tashkiloti sifatida faoliyat yuritib, davlat funksiyalarini amalga oshirmaydi va qarorlari majburiy kuchga ega emas”, deyiladi munosabatda.
Izoh (0)