Shavkat Mirziyoyev 16-yanvar kuni investitsiya masalalariga bag‘ishlangan videoselektor yig‘ilishida Sirdaryo viloyati hokimi Akmaljon Mahmudaliyevni lavozimidan ozod etdi.
Prezident matbuot kotibining xabar qilishicha, Bunga hududida investitsiyalarni jalb qilish, qishloq xo‘jaligini rivojlantirish va boshqa yo‘nalishlardagi faoliyatda jiddiy kamchiliklarga yo‘l qo‘ygani sabab bo‘ldi.
Shuningdek, 16 ta tuman va shahar hokimlariga hayfsan e’lon qilindi. Bular Beruniy, Qorao‘zak, Qo‘ng‘irot, Peshku, Yangiobod, Qamashi, Xonqa, Shovot, Romitan, Dehqonobod, Mirishkor, Chiroqchi, Narpay, Nurobod va Guliston tumanlari, Ohangaron shahri. Ularda hokimlar investitsiya va eksport masalasini o‘z holiga tashlab qo‘ygan.
Endilikda investitsiya bo‘yicha yangi nazorat tizimi bo‘lishi belgilandi. Bunda bosh vazir bu yilgi 42 milliard dollar xorijiy investisiya bo‘yicha oyma-oy rejani tasdiqlaydi, viloyat, shahar va tuman hokimlari, tarmoq rahbarlari haftada ikki kun investisiya bilan shug‘ullanadi.
Mutasaddilar tinmay hududlarga borishi, tadbirkorlar bilan uchrashishi, masalasini joyida hal qilishi shartligi ko‘rsatib o‘tildi.
Akmaljon Mahmudaliyev haqida
2022-yil noyabrda Shavkat Mirziyoyevning tegishli farmoni bilan Akmaljon Mahmudaliyev zimmasiga Sirdaryo viloyati hokimi vazifasini bajarish yuklatilgandi. 2023-yilning aprelida Sirdaryo viloyati hokimi lavozimiga tasdiqlangandi. 2025-yil yanvarida Akmaljon Mahmudaliyev boshqa ishga o‘tishi munosabati bilan o‘rniga yangi hokim tayinlanishi kutilayotgani haqida xabarlar tarqalgandi. Hokimlik buni rad etgandi.
Izoh (0)