Urganch—Qo‘ng‘irot—Urganch yo‘nalishi bo‘yicha yangi poyezd qatnovi yo‘lga qo‘yildi, deb xabar berdi Jo‘qorg‘i Kenges matbuot xizmati.
Ma’lum qilinishicha, ushbu qatnov yo‘lovchilarga qulaylik yaratish maqsadida Qoraqalpog‘iston bo‘yicha amalga oshirilgan mega loyihalardan biri bo‘lgan Amudaryo ustidan o‘tuvchi yangi ko‘prikda 20-yanvardan boshlab yo‘lga qo‘yildi.
Poyezd qatnovi har kuni Urganchdan soat 6:00 da, Qo‘ng‘irotdan soat 13:24 da harakatlanadi.
Qoraqalpog‘iston Respublikasi Amudaryo tumanidagi uzunligi 423 metr bo‘lgan ko‘prikning ochilish marosimi 2024-yil 29-fevral kuni kuni bo‘lib o‘tgandi. Unda Shavkat Mirziyoyev ham ishtirok etgandi.
Ko‘prik bilan birga Shovot—Qorao‘zak bekatlarini bog‘laydigan 85 kilometrlik temiryo‘l hamda 3 ta vokzal ham barpo etilgandi.
Izoh (0)