BRIСS sammiti tadbirlari doirasida Prezident Shavkat Mirziyoyev birlashmaning Yangi taraqqiyot banki prezidenti Dilma Rusefni qabul qildi. Bu haqda Prezident axborot xizmati xabar bermoqda.
Uchrashuvda ushbu nufuzli ko‘p tomonlama moliyaviy institut bilan o‘zaro manfaatli hamkorlikni yo‘lga qo‘yish masalalari muhokama qilingan.
Shuningdek, ta’lim va texnologik rivojlanish sohasidagi dastur va loyihalar, ijtimoiy sohani qo‘llab-quvvatlash, sanoat, infratuzilma va logistikani modernizatsiya qilish, raqamlashtirish, energetika va kommunal tarmoqlar sheriklikning istiqbolli yo‘nalishlari sifatida qayd etilgan.
Hamkorlik bo‘yicha aniq loyihalarini tayyorlash uchun qo‘shma ekspertlar guruhini tuzishga kelishib olingan.
Avvalroq Shavkat Mirziyoyev BRIСS sammiti tadbirlari doirasida Hindiston bosh vaziri Narendra Modi va Turkiya prezidenti Rajab Toyyib Erdo‘g‘on bilan uchrashuv o‘tkazgan edi.
Izoh (0)