Qurbon hayiti munosabati bilan O‘zbekiston prezidenti Shavkat Mirziyoyev nomiga xorijiy davlatlar va hukumatlar yetakchi xalqaro va mintaqaviy tashkilotlar rahbarlaridan, taniqli jamoat va din arboblaridan samimiy tabriklar kelmoqda. Bu haqda davlat rahbarining matbuot xizmati xabar berdi.
Qutlovlarda davlat rahbari va O‘zbekistonning ko‘p millatli xalqiga hurmat-eʼtibor so‘zlari, tinchlik-osoyishtalik va ravnaq tilaklari izhor etilgan hamda do‘stlik va ko‘p qirrali hamkorlikni bundan buyon ham har tomonlama mustahkamlashga qatʼiy intilish bildirilgan.
Jumladan, quyidagilar o‘z tabriklarini yo‘llagan:
- Ikki Muqaddas Masjid xodimi, Saudiya Arabistoni podshohi Salmon ibn Abdulaziz al Saud;
- Saudiya Arabistoni valiahdi, Vazirlar Kengashi raisi Muhammad ibn Salmon ibn Abdulaziz al Saud;
- Turkiya prezidenti Rajab Toyyib Erdo‘g‘on;
- Misr prezidenti Abdulfattoh as-Sisi;
- Qozog‘iston prezidenti Qosim-Jo‘mart To‘qayev;
- Qirg‘iziston prezidenti Sadir Japarov;
- Tojikiston prezidenti Emomali Rahmon;
- Turkmaniston prezidenti Serdar Berdimuhamedov;
- Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov;
- Ozarbayjon prezidenti Ilhom Aliyev;
- Birlashgan Arab Amirliklari prezidenti Shayx Muhammad bin Zoid al Nahayon;
- Birlashgan Arab Amirliklari vitse-prezidenti, Bosh vaziri, Dubay amirligi hokimi Shayx Muhammad bin Roshid al Maktum;
- Birlashgan Arab Amirliklari vitse-prezidenti, bosh vaziri o‘rinbosari, Prezident ishlari bo‘yicha vaziri Shayx Mansur bin Zoid al Nahayon;
- Birlashgan Arab Amirliklari bosh vaziri o‘rinbosari, ichki ishlar vaziri Shayx Sayf bin Zoid al Nahayon;
- Saudiya Arabistoni davlat vaziri, Vazirlar Kengashi aʼzosi Turki bin Muhammad bin Fahd bin Abdulaiz al Saud;
- Kuvayt amiri Shayx Mishʼal al-Ahmad al-Jobir as-Saboh;
- Kuvayt valiahdi Saboh Holid al-Hamad al-Muborak as-Saboh;
- Iordaniya podshohi Abdulla II;
- Marokash podshohi Muhammad VI;
- Jazoir Xalq Demokratik Respublikasi prezidenti Abdulmajid Tebbun;
- Falastin prezidenti Mahmud Abbos;
- Turkiy davlatlar tashkiloti bosh kotibi Kubanichbek Omuraliyev;
- Iqtisodiy hamkorlik tashkiloti bosh kotibi Husrav Noziriy;
- Islom hamkorlik tashkiloti bosh kotibi Husayn Ibrohim Toha;
- Kavkaz musulmonlari idorasi raisi shayxulislom Ollohshukur Poshshozoda.
Qutlovlar kelishi davom etmoqda.
Kuni kecha Shavkat Mirziyoyev O‘zbekiston xalqini Qurbon hayiti bilan tabriklagan edi. Davlat rahbari o‘z tabrigida qisqa muddatda Imom Buxoriy, Imom Termiziy va Imom Moturidiy xalqaro ilmiy markazlari tashkil etilgani, Abu Iso Termiziy, Abu Muin Nasafiy, Sulton Uvays Qaraniy, Suzuk ota yodgorlik majmualari tubdan obod qilinganini qayd etgan.
Izoh (0)