2024-yil 21-dekabr kuni "Turkiston" san’at saroyida har yilgi SCIENCE AND INNOVATION AWARDS mukofotlash marosimi bo‘lib o‘tdi. Ushbu tadbir har yili mamlakatning eng yorqin aql egalari: ajoyib olimlar, professorlar va universitetlarni jamlaydi, ularning yutuqlari mintaqaning ta’lim va ilmiy qiyofasini o‘zgartirmoqda.
Tadbir binoning foyyesida O‘zbekiston universitetlarining kichik ko‘rgazmasi bilan boshlandi, so‘ngra musiqa va raqs jamoalarining chiqishlari bo‘lib o‘tdi. Ular 800 dan ortiq tashrif buyurgan mehmonlarga zavq ulashdi va barcha ishtirokchilarga yangi yil kayfiyatini taqdim etdi. Shundan so‘ng, O‘zbekistonning professor-o‘qituvchilari, olimlari va oliy o‘quv yurtlari 2024 yil uchun taqdirlandilar.
200 dan ortiq universitetlar orasida Central Asian University "2024-yilning eng innovatsion universiteti" degan yuksak mukofotga sazovor bo‘ldi. Bu unvon universitetning ta’limga qo‘shgan noyob hissasi, O‘zbekiston talabalari va boshqa tinglovchilar uchun bir qator mahorat darslari va ma’ruzalar o‘tkazgan jahon miqyosidagi notiqlarni (Robert Kiyosaki, Mey Mask, Marg‘ulon Seysembayev, Meryem Uzerli, Zak Kass, Jordan Peterson, Muhammad Yunus) O‘zbekistonga taklif etgani uchun munosib e’tirof bo‘ldi. Shuningdek, ilg‘or texnologiyalarni joriy etish, inqilobiy ta’lim yondashuvlarini yaratish hamda Germaniya, Amerika va Shveysariyaning yetakchi universitetlari bilan hamkorlik o‘rnatish kabi yutuqlar ham e’tiborga olingan.
"Yilning eng innovatsion universiteti" unvoniga sazovor bo‘lish Central Asian University ta’limda yangi me’yorlarni o‘rnatayotganining tasdig‘i bo‘ldi. Bu nafaqat e’tirof, balki rivojlanishda davom etish, kelajakka sarmoya kiritish va dunyoni o‘zgartirishga qodir yetakchilarni shakllantirish uchun rag‘bat hamdir," - dedi o‘quv ishlari bo‘yicha prorektor Qahramon Yusupov.
Ta’kidlash joizki, Central Asian University:
- AD Scientific Index 2025 reytingida O‘zbekistondagi xususiy oliy ta’lim muassasalari orasida birinchi o‘rinni (2024) egallaydi;
- Votum Magazine reytingida O‘zbekiston universitetlari orasida birinchi o‘rinni egallaydi;
- Universitet talabalari O‘zbekiston tibbiyot olimpiadasining amaldagi g‘oliblari hisoblanadi.
Tadbir haqida batafsil: https://t.me/science_innovations
Universitet veb-sayti: https://centralasian.uz/
Reklama huquqi asosida.
Izoh (0)