Xitoy yengil avtomobillarining AQSHga importi o‘tgan yilning o‘n bir oyi davomidagi rekord darajaga yetdi.
Bu haqda Amerika statistika xizmati ma’lumotlari darak bermoqda.
2024-yilning yanvar—noyabr oylarida Xitoydan AQSHga yengil avtomobillar eksportining umumiy hajmi 3,35 milliard dollarni tashkil etdi, bu ko‘rsatkich o‘tgan yilga nisbatan 65 foizga o‘sdi. Bu 1992-yildan boshlab butun kuzatish davri uchun rekord natija hisoblanadi.
Noyabr oyi oxirida import 459,5 million dollarni tashkil etdi, bu 2024-yil avgustidan beri eng yuqori ko‘rsatkichdir. Shu bilan birga, o‘tgan yilning noyabriga nisbatan xaridlar hajmi to‘rt barobarga, bir oy davomida esa 15 foizga oshdi.
2024-yilning o‘n bir oyi davomida importning eng katta ulushini hajmi 1500 dan 3000 kub santimetrgacha bo‘lgan ichki yonuv dvigatelli avtomobillar tashkil qildi. Ularning eksport qiymati 1,73 milliard dollarga yetdi.
Shuningdek, qorda yuradigan avtomobillar, golfkarlar va shunga o‘xshash transport vositalari qiymati 917,8 million dollarni va gibrid avtomobillarniki esa 458,8 million dollarni tashkil etdi.
Bu davrda Xitoy AQSHga yengil avtomobillar yetkazib berish bo‘yicha o‘ninchi o‘rinni egalladi. Yetkazib beruvchilar beshligiga Meksika (45,3 milliard dollar), Yaponiya (36,3 milliard dollar), Janubiy Koreya (34,8 milliard dollar), Kanada (26,2 milliard dollar) va Germaniya (22,7 milliard dollar) kirdi.
Avvalroq Yevropa ittifoqi Xitoy elektromobillariga qo‘shimcha bojlar qo‘llashi rejalashtirilayotgani xabar qilingandi.
Izoh (0)