Xitoy, Koreya va AQSH: O‘zbekistonga eng ko‘p “inomarka”lar qayerdan olib kelindi?

2023-yilning yanvar oyida O‘zbekiston 13 ta xorijiy davlatdan yengil avtomobillar import qilgan. Bu haqda Davlat statistika agentligi xabar bermoqda.

Yanvar oyida O‘zbekiston yengil avtomobillarni eng ko‘p Xitoydan import qilgan — 1 064 ta. O‘tgan yilning ayni davrida bu ko‘rsatkich 1 781 taga teng bo‘lgan.

O‘zbekiston yanvar oyida eng ko‘p avtomobil import qilgan davlatlar ro‘yxatida Koreya ikkinchi o‘rinda joylashgan. Mamlakatdan 949 ta mashina olib kelingan. 2022-yilning mos davrida Koreyadan ko‘proq “inomarka” import qilingan edi — 1 136 ta.

2022-yilning yanvar oyida O‘zbekistonga yengil avtomobil import qilgan davlatlar uchligini Rossiya yakunlagan edi — 85 ta ”inomarka”. Joriy yilda uning o‘rnini AQSH egalladi. Mamlakatdan 110 ta yengil avtomobil olib kelingan.

Yanvarda O‘zbekiston avtomobil import qilgan davlatlar ro‘yxatida Gonkong to‘rtinchi o‘rinda — 29 ta. O‘tgan yilning shu davrida mamlakatdan umuman mashina olib kelinmagan edi.

O‘zbekiston avtomobil import qilgan davlat ro‘yxatidagi keyingi o‘rinlarda Germaniya (12 ta, Yaponiya (10 ta), BAA (8 ta) joylashgan.

Avvalroq O‘zbekiston avtomobillarni sotishdan ko‘ra ko‘proq sotib olayotgani haqida xabar berilgandi.