Zominda bo‘lib o‘tayotgan Xalqaro maqom sanʼati anjumani, jazirama issiq sabab poyezdlar harakat tezligiga cheklovlar o‘rnatilishi, Toshkentda begona ayolning tanasidan ushlab, shilqimlik qilgan tarvuz sotuvchisi 5 sutkaga qamalishi — “Daryo” nashri bugun, 27-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
“Yuksalish” harakati yo‘lovchilarning Toshkent jamoat transporti borasidagi fikrlarini o‘rgandi
Ular telefondan foydalanadigan haydovchilarni jazolash, “poyga” uyushtirilmasligini nazoratga olish kabi takliflarni berdi.
Energetika vazirligi may oyida elektr energiyasi nega kam yetkazib berilganiga izoh berdi
Vazirlik tabiiy gaz qazib chiqarish kamaygani haqidagi xabarlarga ham munosabat bildirdi.
Toshkentda begona ayolning tanasidan ushlab, shilqimlik qilgan tarvuz sotuvchisi 5 sutkaga qamaldi
Shu bilan birga erkak BHMning 10 baravari miqdorida jarima to‘laydigan bo‘ldi.
O‘zbekiston A guruhidan joy oldi. 2026-yilgi Jahon Chempionati 3-saralash bosqichiga qur’a tashlandi
O‘zbekiston terma jamoasining saralash bosqichidagi raqiblari nomi aniq bo‘ldi.
Jizzaxdagi BYD zavodidan ilk elektromobillar chiqdi (foto)
Shavkat Mirziyoyev BYD Uzbekistan Factory qo‘shma korxonasi faoliyati bilan tanishdi va ilk elektromobillarga imzo qo‘ydi.
Samarqandda uchta mashina ishtirokida YTH sodir bo‘ldi. Ulardan biri yonib ketdi
Holat bo‘yicha YHXB xodimlari tomonidan dastlabki surishtiruv ishlari olib borilmoqda.
Shavkat Mirziyoyev BYD kompaniyasi prezidenti bilan uchrashdi. Nimalar muhokama qilindi?
Jizzaxda gibrid va elektr avtomobillar ishlab chiqarish bo‘yicha qo‘shma korxonaning muvaffaqiyatli faoliyati qayd etildi.
O‘zbekistonda jazirama issiq sabab poyezdlar harakat tezligiga cheklovlar o‘rnatiladi
Harakat tezligiga cheklovlar o‘rnatilgan poyezdlarda sovitish tizimining ishlash quvvati pasayishi mumkin.
Gulistonda suv ta’minoti xodimlarining uch nafari zaharlandi
Ulardan biri vafot etdi, ikki nafari o‘ta og‘ir ahvolda.
Farg‘onada Lacetti gaz balloni portlashidan bir kishi vafot etdi
Holat dehqon bozori hududida yuz bergan.
Prezident Zominda barpo etilayotgan sanoat texnoparkida Xitoy investitsiyalari ishtirokidagi ilk loyihalarga start berdi (foto)
Texnopark hududida Xalqaro tajriba almashinuv injenerlik markazi tashkil etiladi.
Ziroat Mirziyoyeva Samarqandda ochilgan “Mehrli maktab” gospital maktabi filiali o‘quvchilarini borib ko‘rdi
“Zamin” fondi Vasiylik kengashi raisi bolalar bilan dildan suhbatlashdi.
Prezident Yoshlar kuni munosabati bilan bir guruh yoshlarni mukofotladi
Namunali xulqi hamda vatanparvarlik fazilatlari bilan o‘rnak bo‘layotgan yoshlar “Kelajak bunyodkori” medali bilan mukofotlandi.
Shavkat Mirziyoyev bir guruh yigitlarni “Mard o‘g‘lon” davlat mukofoti bilan taqdirladi (ro‘yxat)
Mukofoti sovrindorlarining har biriga BHMning 50 baravari miqdorida pul mukofoti beriladi.
“Maqom sanʼati uchun asosiy mavzu, eng avvalo, shaxs, uning erki va qadri, tinchlik-totuvlik, hamjihatlik va umumbashariy taraqqiyot hisoblanadi” — Shavkat Mirziyoyev
Prezident ikkinchi Xalqaro maqom sanʼati anjumanining ochilish marosimida nutq so‘zladi.
Izoh (0)