Bryussel Xitoyda ishlab chiqarilgan hamda davlat subsidiyalari yordamida sun’iy ravishda arzonlashtirilgan elektr avtomobillar importiga yangi tariflar joriy etilganini e’lon qildi.
Xitoyda ishlab chiqarilgan elektr avtomobillari (BEV) tez orada Yevropa Ittifoqi umumiy bozoriga olib kirilgach, import boji bilan soliqqa tortiladi. So‘nggi yillarda ekologik toza, yashil texnologiya asosida ishlab chiqarilgan bunday tovarlarga talab keskin oshmoqda.
12-iyun kuni Yevrokomissiya BEV’larga qarshi olib borilayotgan antitarif tekshiruvida birinchi dastlabki qarorini e’lon qildi. Qarorda Xitoyda yig‘ilgan BEV’larga qo‘yiladigan tarif miqdorlari brendlar bo‘yicha alohida ko‘rsatib o‘tilgan:
- BYD: 17,4%
- Geely: 20%
- SAIC: 38,1%
Pekin o‘zining nohaq savdo amaliyotlarini tuzatish uchun qoniqarli takliflarni ilgari surmasa, choralarni joriy etish iyul oyi boshida amalga oshiriladi, — deyiladi xabarda.
Bu Xitoy va G‘arb brendlarining Osiyoda joylashgan zavodlarida narxlarning o‘sishiga olib keladi. Ma’lum bo‘lishicha, asosiy kompaniya Shenchjenda joylashgan BYD bo‘lib, u Yevropa Ittifoqi BEV bozorining 5 foizini egallash niyatida.
Yangi bojlar mavjud 10 foizlik import tarifga qo‘shiladi.
Yevrostat ma’lumotlariga ko‘ra, Xitoy BEV avtomobillarining sotuvi 2020-yilda 57 000 tadan, 2023-yilda 437 000 taga oshgan. Xuddi shu davr mobaynida ushbu bitimlar qiymati 631 million yevrodan 9,66 milliard yevrogacha ko‘tarilgan.
Transport and Environment (T&E) tadqiqotiga ko‘ra, Xitoy brendlarining Yevropa Ittifoqining BEV bozoridagi ulushi 2019-yildagi 0,4 foizdan 2023-yilda 7,9 foizgacha oshgan. Mazkur tendensiya davom etsa, 2027-yilga kelib, 20 foizdan oshishi mumkin.
Yevrokomissiyaning mazkur qarori Pekinni g‘azablantirishi shubhasiz, u qo‘l qovushtirib o‘tirmasligini hamda bojlar joriy etilishini kuzatmasligini aytgan. Xitoy Yevropa Ittifoqining qishloq xo‘jaligi va aviatsiya sohalarini javob zarbalari uchun nishon sifatida ko‘rsatgan.
Izoh (0)