Prezident Shavkat Mirziyoyev Yangi Toshkent shahri hududidagi qurilish va obodonlashtirish loyihalari bilan tanishmoqda. Bu haqda Prezident matbuot xizmati xabar berdi.
Foto: “Daryo” / Madina Nurman
Ushbu yangi shaharga 2023-yil 18-mart kuni tamal toshi qo‘yilgan edi. Shu munosabat bilan o‘tgan marosimda davlat rahbari u “yashil shahar” bo‘lishini aytgan edi. Bu havo va suv tozaligi, muqobil energiya manbalari, daraxtzorlar ko‘pligi kabi maqsadlarni o‘z ichiga oladi.
Foto: “Daryo” / Madina Nurman
“Toshkentning yashil belbog‘i” loyihasi shu yerdan boshlanadi. 420 gektar maydonda Markaziy bog‘ barpo etilib, 200 ming tup daraxt ekiladi.
Foto: “Daryo” / Madina Nurman
Buning uchun ish hozirdan boshlanib, 50 gektar maydonda ko‘chatxona tashkil etilgan.
Foto: “Daryo” / Madina Nurman
Prezident shu yerda bo‘lib, navnihollarni ko‘zdan kechirdi. Bo‘lajak daraxtzorlarning landshaft dizayni, sug‘orish va parvarishlash tizimi haqida ma’lumot berildi.
Foto: “Daryo” / Madina Nurman
Hozirda keyinchalik ko‘chirib o‘tkazish uchun 27 ming tup manzarali daraxt ko‘chatlari ekilgan. Shuningdek, issiqxona, qozonxona, ko‘chatlarni saqlash va sug‘orish tizimlari barpo etilgan.
Foto: “Daryo” / Madina Nurman
Yangi shaharda tegishli vazirlik va idoralar ishini tashkil etish uchun vaqtinchalik ma’muriy binolar qurilmoqda. Prezident ulardagi sharoitlar bilan ham tanishdi.
Foto: “Daryo” / Madina Nurman
Hozirda yengil konstruksiyalardan 4 ta bino va yordamchi inshootlar barpo etilgan. Bunda to‘liq mahalliy qurilish materiallaridan foydalanilgan. Ofislar open space uslubida bo‘lib, har birida 250 nafargacha xodim faoliyat yuritishi mumkin.
Foto: “Daryo” / Madina Nurman
Bu vazirlik va idoralar ishini bosqichma-bosqich shu yerda tashkillashtirish imkonini berib, Toshkentdagi tirbandlikni kamaytirishga ham xizmat qiladi.
Foto: “Daryo” / Madina Nurman
Izoh (0)