100 nafar falastinlik yarador ayollar va bolalar ularning hamrohlari bilan birga O‘zbekistonga evakuatsiya qilindi. Bu haqda O‘zbekistonning Qohiradagi elchisi Mansurbek Qilichev xabar berdi, deb yozmoqda “Gazeta.uz”.
Elchining bildirishicha, ushbu evakuatsiya 26-dekabr kuni ikki davlatning Sog‘liqni saqlash vazirliklari hamkorligida prezident Shavkat Mirziyoyev tashabbusi bilan amalga oshirildi.
Shavkat Mirziyoyev 11-noyabr kuni navbatdan tashqari arab-islom sammitida so‘zlagan nutqida urushda jabrlangan falastinlik bolalar va ayollarni O‘zbekiston shifoxonalarida beg‘araz davolashga tayyor ekanini aytgandi.
Evakuatsiya qilingan falastinliklar yurtlariga qaytgunlaricha O‘zbekistonda qoladi. Ushbu bemor falastinliklar davolanish va sog‘liqlarini qayta tiklash uchun reabilitatsiya markazlari va shifoxonalarga joylashtiriladi.
O‘zbekiston hukumati ularga mamlakatda bo‘lish davrida oilasining barcha ehtiyojlari, jumladan, mehmonxonalar, maktablar, oziq-ovqat va boshqa narsalar bilan ta’minlaydi.
Izoh (1)
Ko'rishga borsak bo'ladimi