Toshkent shahar, Sergeli tumani, Yangi Sergeli ko‘chasida joylashgan fast-fud kafesida yong‘in sodir bo‘ldi. Bu haqdagi xabar 13-dekabr kuni soat 16:12 da poytaxt FVBga kelib tushgan.
Shunga ko‘ra, yong‘in-qutqaruv texnikalari aytilgan manzilga soat 16:19 da yetib borib, yong‘in 16:31 da qurshab olinib, 16:32 da o‘chirilgan.
Yong‘in oqibatida halok bo‘lgan va jabrlanganlar yo‘q.
Hozirda yong‘in sababi va keltirilgan moddiy zarar aniqlanmoqda.
So‘nggi vaqtlarda Toshkentda sodir bo‘lgan yong‘inlar
13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan Miran mehmonxonasining qurilishi davom etayotgan eski binosida yong‘in chiqdi.
Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.
Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
Tizimga kiring yoki Roʻyxatdan oʻting.
yoki E-Pochta orqali
Roʻyxatdan oʻtganmisiz? Login.
yoki E-Pochta orqali
Rahmat. Biz sizning xabaringizni oldik va xatoni imkon qadar tezroq tuzatamiz.
Izoh (0)