O‘zbekiston milliy terma jamoasi Jahon Chempionati saralashi doirasida BAAga qarshi ertaga, 15-oktyabr kuni o‘ynaydi.
Terma jamoa O‘zbekistonga 4 yo‘qotish bilan kelmoqda. Kuadio diskvalifikatsiya sabab jamoasiga yordam bera olmasa, Yahyo Nodir hali uchrashuvlarga to‘liq tayyor emas. Shuningdek, Abdulrahmon Solih jarohat tufayli uchrashuvda qatnasha olmaydi.
“Olamsport” sayti xabar berishicha, shaxsiy sabablarga ko‘ra O‘zbekistonga kelmagan 4 futbolchidan biri Fabio De Lima hisoblanadi. “Al-Vasl” klubi futbolchisi 2013-yilda O‘zbekiston fuqaroligi pasportini olgan va BAA chempionatida osiyolik legioner sifatida ro‘yxatdan o‘tgan. Bu holat O‘zbekistonda tekshiruvga sabab bo‘lgan va bu raqamli pasport aslida boshqa odamga tegishli ekani maʼlum bo‘lgan.
2020-yil fevral oyida Lima BAA fuqaroligini olgan. 2020-yil 12-oktyabr kuni Birlashgan Arab Amirliklari terma jamoasi safida O‘zbekistonga qarshi o‘rtoqlik o‘yinida debyut qilgan.
Futbol mutaxassisi Alisher Nikimbayev ham holatga izoh berdi.
Uning O‘zbekistonga kelishiga men hech qanday qonuniy to‘siq ko‘rmayapman. Unga nisbatan jinoiy ish ochilgani dargumon. Bundan tashqari, bunday huquqbuzarliklar uchun da'vo muddati qanday ekanini tekshirish kerak.
Shuni unutmangki, Fabio O‘zbekiston fuqarosi sifatida o‘zining “pasportini” hech qachon ko‘rmagan va tabiiyki, undan hech qayerda foydalanmagan. Bu soxta hujjat faqat “Amirliklar” chempionatiga kirish uchun kerak bo‘lgan. Nega u kelmayapti? Ko‘rinishidan, u ish hali ochiq bo‘lishidan qo‘rqadi va tavakkal qilishni xohlamaydi.
Uning BAA fuqarosi pasportiga kelsak, u yerda hamma narsa qonuniy”, deydi mutaxassis.
Shu bois Fabio hech qachon O‘zbekistonga uchib kelmaydi. O‘z vaqtida “Nasaf” OCHLda “Al Vasl”ni qabul qilgan va De Lima o‘shanda ham Qarshiga kelmagandi. 17-sentyabr kuni “Al-Vasl” “Paxtakor”ga qarshi o‘ynadi, ushbu uchrashuvga ham Fabio kelmadi. 15-oktyabrda bo‘lib o‘tadigan JCH—2026 saralashidan o‘rin olgan uchrashuvda ham futbolchi BAAdan turib tomosha qiladi.
Ma’lumot uchun, saralashning 4-turidan o‘rin olgan uchrashuv ertaga “Bunyodkor” stadionida bo‘lib o‘tadi.
Izoh (0)