Bosh vazir yordamchisi va uning akasi ishdan olinishi, Qashqadaryoda erkak ayoli va chaqalog‘ini o‘ldirib, o‘z joniga qasd qilishi, Komil Allamjonovga suiqasdda gumonlanib 5 kishi qamoqqa olinishi, Toshkentda 1-yanvardan avtobus va metro yo‘lkira narxlari 3 ming so‘m bo‘lishi kutilayotgani — “Daryo” nashri bugun, 25-noyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekiston—Xitoy o‘rtasida viza tartibi yanada erkinlashtirilishi kutilmoqda
Xitoyning viza siyosati, ikki mamlakat fuqarolarining huquq va manfaatlarini himoya qilish muhokama qilindi.
Toshkentda ikki avtomobil to‘qnashishidan yong‘in kelib chiqdi
Hodisa oqibatida halok bo‘lganlar yo‘q.
Qashqadaryoda bir qarzdorlik uchun ikkita ijro varaqa chiqarilgandi. Sud ijro varaqa dublikatini bekor qildi
“Sudda haqiqat qaror topdi. Bu davlatimiz rahbarining so‘nggi yillarda sud-huquq tizimida adolat o‘rnatish bo‘yicha bergan topshiriqlari ijrosining yorqin misoli”, deydi Ulug‘bek Choriyev.
“Zo‘ravonliksiz dunyo xayoldagi orzu emas, bu birgalikda erishsa bo‘ladigan maqsaddir” — Shahnoza Mirziyoyeva
25-noyabr — Xalqaro ayollarga nisbatan zo‘ravonlikka barham berish kuni.
Bosh vazir yordamchisi va uning akasi ishdan olindi
Ularning bo‘shatilishi Komil Allamjonovga uyushtirilgan suiqasdga bog‘liq bo‘lishi mumkin.
Andijon davlat texnika instituti tashkil etiladi
Energetika muhandisligi, sun’iy intellekt, mexatronika va robototexnika kabi yo‘nalishlarda kadrlar tayyorlash hajmi oshiriladi.
Buxoroda tashlandiq yerda bog‘ yaratmoqchi bo‘lgan tadbirkor sarson bo‘lmoqda. Unga tegishli yer auksionda sotib yuborilgan
Tadbirkorlardan biri yer meniki desa, ikkinchisi yerni auksionda yutdim, deydi. Qilar ishni qilib qo‘ygan vazirlik esa hokimiyatni ayblamoqda.
Qashqadaryoda erkak ayoli va chaqalog‘ini o‘ldirib, o‘z joniga qasd qildi
Erkak ruhiy asab kasalliklari shifoxonasida ro‘yxatda turgan.
Komil Allamjonovga suiqasdda gumonlanib 5 kishi qamoqqa olindi
Bosh prokuratura jinoyat ishi bo‘yicha qo‘shimcha ma’lumot berdi.
Taras Shevchenko ko‘chasining bir qismi transport harakati uchun qariyb 1 oyga yopiladi
Haydovchilarga vaqtincha aylanma yo‘llardan foydalanish tavsiya qilingan.
O‘zbekistonda 2025-yili 450 mingta avtomobil ishlab chiqarish maqsad qilingan
Prezidentga avtomobil sanoatida qilinayotgan ishlar va 2025-yilga mo‘ljallangan rejalar haqida axborot berildi.
O‘zbekistonda 2025-yili 2 mln gektardan ziyod yerda meva-sabzavot, dukkakli va poliz mahsulotlari ekiladi
Prezident oziq-ovqat xavfsizligini taʼminlash, paxta va g‘alla hosildorligini oshirish bo‘yicha takliflar taqdimoti bilan tanishdi.
Respublikada bo‘lishi nomaqbul deb topilgan shaxslarning ro‘yxati shakllantiriladi
Ro‘yxatga kiritilgan chet el fuqarosining yoki fuqaroligi bo‘lmagan shaxsning O‘zbekiston hududiga kirishiga yo‘l qo‘yilmaydi.
Toshkentda 1-yanvardan avtobus va metro yo‘lkira narxlari 3 ming so‘m bo‘lishi kutilmoqda
Yo‘lkira haqi elektron to‘langanda miqdor 1 700 so‘mga aylanadi.
Izoh (0)