O‘zbekistonda hayoti yoki sog‘lig‘i xavf ostida qolgan bolalarning ota-onasidan olib qo‘yilishi, Toshkentda ro‘y bergan mudhish qotillik ishining sudda ko‘rilishi, Samarqand va Toshkent viloyatlarida energiya resurslaridan qarzdorlikni yo‘q qilib bermoqchi bo‘lgan gazchi va hisobchining ushlanishi — “Daryo” nashri bugun, 15-noyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Uy-joy sotib olish uchun subsidiyalar ajratish tartibi o‘zgardi
Baholashda ariza beruvchi va uning turmush o‘rtog‘i (eri)ning daromadlari bilan bir qatorda endi kafillik qiluvchilarning yaqin qarindoshlari daromadlari ham hisobga olinadi.
O‘zbekiston—Qatar uchrashuvida madhiya o‘rniga reklama ko‘rsatilgani yuzasidan izoh berildi
Ijtimoiy tarmoqlarda ushbu holat ko‘plab muhokamalarga sabab bo‘ldi.
O‘zbekistonda hayoti yoki sog‘lig‘i xavf ostida qolgan bolalar ota-onasidan olib qo‘yilishi mumkin
“Bolalarni zo‘ravonlikning barcha shakllaridan himoya qilish to‘g‘risida”gi qonun prezident tomonidan imzolandi.
Yangiyo‘l shahriga yangi hokim tayinlandi
Dilshod Sultonov o‘rniga Ravshan Raimov hokim bo‘ldi.
Xiva xonining hiylasi, Pyotr armoni: Sherg‘ozixon rus bosqinchilarini qanday mahv etgan?
Aleksandr Pushkin o‘z kundaliklarida imperator Pyotr I o‘limi oldidan Bekovich Cherkasskiy o‘limi uchun Xiva xonidan o‘ch ololmaganidan qattiq afsus chekkani haqida yozgan. Ushbu maqolada Rossiya imperatorini darg‘azab qilgan Sherg‘ozixonning rus bosqinchilarini qanday mahv etgani haqida o‘qiysiz.
Prezident masʼullarga energiya taʼminotida uzilishlarning oldini olish bo‘yicha ko‘rsatma berdi
Shavkat Mirziyoyev aholi va iqtisodiyot tarmoqlarini energiya bilan uzluksiz taʼminlash bo‘yicha yig‘ilish o‘tkazdi.
“Bolamni chap qo‘lida bo‘g‘ib, pichoq tiqib tashladi”. Toshkentda ro‘y bergan mudhish qotillik ishi sudda ko‘rilmoqda
2024-yilning 9-iyul kuni Yashnobod tumanida 31 yoshli erkak sha’riy nikohdagi ayoli bilan nizolashib, uning birinchi turmushidan tug‘ilgan o‘g‘il farzandiga pichoq tiqib o‘ldirgandi.
O‘zbekistondagi ayrim BSK shartnomalarida asossiz shartlar belgilangani aniqlandi
Xususan, 3 oyda to‘lov qilinmasa, elektr energiyasi, gaz va suvdan uzib qo‘yilishi qayd etilgan.
O‘zbekistonda bolalarga zo‘ravonlik qilganlar xulq-atvorini tuzatish choralari ko‘riladi
Ular tegishli tuzatish dasturidan o‘tadi.
Samarqand va Toshkent viloyatlarida energiya resurslaridan qarzdorlikni yo‘q qilib bermoqchi bo‘lgan gazchi va hisobchi ushlandi
Holatlar yuzasidan jinoyat ishlari qo‘zg‘atilib, tergov harakatlari o‘tkazilmoqda.
Prezident YTTB ishtirokida Xorazm viloyatidagi yo‘lni rekonstruksiya qilish va rivojlantirishga oid qarorni imzoladi
Umumiy qiymati 294,1 mln dollar bo‘lgan ushbu loyiha 2024—2029-yillarda amalga oshirilishi rejalashtirilgan.
Zo‘ravonlikdan jabrlangan bolalarga himoya orderi berish tartibi yo‘lga qo‘yilmoqda
Ijtimoiy himoya milliy agentligi bolalarni zo‘ravonlikning barcha shakllaridan himoya qilish sohasidagi vakolatli davlat organi hisoblanadi.
Saida Mirziyoyeva talabalar bilan uchrashdi (foto)
“Yoshlarni tinglash nihoyatda muhim, chunki umumiy kelajagimizni aynan ular barpo etadilar”, deb yozadi prezident yordamchisi.
Izoh (0)