Jizzaxda Cobalt katta tezlikda ikki qizchani urib yuborishi, tijorat banklarida dollar sotuv kursining 12 900 so‘mdan oshishi, Shavkat Mirziyoyev bosh vazir lavozimiga Abdulla Aripov nomzodini ko‘rsatishi, 2025-yil “Atrof-muhitni asrash va yashil iqtisodiyot yili” deb eʼlon qilinishi — “Daryo” nashri bugun, 20-noyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Jizzaxda Cobalt katta tezlikda ikki qizchani urib yubordi
Opa-singil bo‘lgan 13 va 4 yoshli qizlar voqea joyida vafot etgan.
O‘zbekiston tijorat banklarida dollar sotuv kursi 12 900 so‘mdan oshdi
Ayrimlarida ushbu valyuta 12 905 so‘mdan sotilmoqda.
Qashqadaryodagi manzil-koloniyada tok urgan mahkum vafot etgani aytilmoqda
Marhum Muborak tumanidagi 33-sonli manzil-koloniyada jazo muddatini o‘tayotgan bo‘lgan.
Madaniy meros agentligi Andijondagi Bobur haykali ko‘chirilishi yuzasidan xulosa olish uchun tushunchalar berilganini ma’lum qildi
Madaniy meros boshqarmasi tomonidan Zahiriddin Muhammad Bobur monumental san’at yodgorligini ko‘chirish masalasi yuzasidan tegishli tashkilotlarga Madaniy meros agentligi huzuridagi Ilmiy-ekspert kengashidan xulosa olish uchun tushunchalar berilgan.
Shavkat Mirziyoyev bosh vazir lavozimiga Abdulla Aripov nomzodini ko‘rsatdi
Uning nomzodi deputatlar muhokamasiga taqdim etildi.
O‘zbekiston Qurolli kuchlari jangovar salohiyati oshiriladi
Dunyoda turli xatar va tahdidlar avj olib borayotgan sharoitda Qurolli kuchlar jangovar salohiyatini oshirishga e’tibor kuchaytiriladi.
O‘zbekistonliklarga Qozog‘iston va Tojikistonga ham ID-karta orqali o‘tish imkoniyati yaratiladi
Bunday tartib hozirda O‘zbekiston—Qirg‘iziston chegarasini kesib o‘tishda amal qilmoqda.
O‘zbekistonda 2025-yil “Atrof-muhitni asrash va yashil iqtisodiyot yili” bo‘ladi
Bu haqda Qonunchilik palatasi majlisida e’lon qilindi.
“Daryo”dagi maqoladan so‘ng Andijon tumani hokimining Captiva-5 sotib olish to‘g‘risidagi qarori bekor qilinishiga oid taqdimnoma kiritildi
Adliya vazirligi mas’ullariga ko‘ra, taqdimnomaga asosan hokimning qarorini bekor qilish belgilangan.
O‘zbekistonda zapravkalar haqida ma’lumot beruvchi ilova test rejimida ishga tushdi
Unda yonilg‘i quyish, gaz to‘ldirish va elektr quvvatlash shoxobchalarini topish, narxlarni taqqoslash, borar manzilni aniqlash mumkin.
Toshkentdagi GESdan 24 yoshli yigitning jasadi topildi
Yigit 11-noyabr kuni uyidan chiqib ketib bedarak yo‘qolgan.
Qashqadaryoda ishdan olingan YPX xodimi Po‘lat Bobojonovga murojaat yo‘lladi. U nohaq ishdan bo‘shatilganini aytmoqda
“Viloyat IIB mening qaramog‘imda ikki nafar voyaga yetmagan farzandim va turmush o‘rtog‘im, nafaqadagi onam borligini, ularning ta’minoti mening zimmamda ekaniga e’tibor qaratmadi. Shu sabab OAV orqali chiqish qilib, shaxsan Ichki ishlar vaziri Po‘lat Bobojonovdan yordam so‘rayapman”, deydi u.
Oliy Majlis Qonunchilik palatasining bosh vazir nomzodini ko‘rib chiqishga bag‘ishlangan majlisi suratlarda
Yangilangan Konstitutsiyaning 94-moddasiga ko‘ra, bosh vazir nomzodini ko‘rib chiqish va ma’qullash Oliy Majlis Qonunchilik palatasining mutlaq vakolatlariga kiradi.
Izoh (0)