“Manchester Siti” Pep Gvardiola ketish ehtimoli borligi uchun uning o‘rniga nomzodlarni ko‘rib chiqmoqda.
Avvalroq “shaharliklar” “Sporting” murabbiyi Ruben Amorim variantini ko‘rib chiqayotgani xabar qilingandi. Gvardiolaning klub bilan shartnomasi mavsum oxirigacha mo‘ljallangan.
The Athletic nashrining xabariga ko‘ra, nomzodlar ichida “Bayer” bosh murabbiyi Xabi Alonso ham bor.
Joriy haftada klub bosh direktori Ferran Soriano “Siti” xodimlariga shoshilinch xabar yuborgan. Unda City Football Group (CFG) ning yangi rejalari va yangi yuzlar haqida ma’lumotlar bo‘lgan.
Ma’lumot uchun, Pep Gvardiola 2016-yilning yozida inglizlar jamoasini qabul qilib olgandi. Gvardiola boshchiligida “shaharliklar” tarixda ilk bor Chempionlar Ligasida g‘olib bo‘ldi. 2022—2023-yilgi mavsumni “Manchester Siti” trebl bilan yakunlashga muvaffaq bo'ldi. Ispaniyalik murabbiy bilan “shaharliklar” 6 marta Angliya chempionligini qo‘lga kiritdi.
“Manchester Siti” Angliya chempionati turnir jadvalida 7 turdan keyin 17 ochko to‘plagan holda ikkinchi o‘rinda bormoqda.
Izoh (0)