Eng yirik futbol yangiliklari saytlaridan biri “Goal” nashri maqola e’lon qildi, unda Pep Gvardiola hal qilishi kerak bo‘lgan “Manchester Siti”ning joriy mavsumdagi 6 ta muammosi haqida so‘z boradi.
Manbaga ko‘ra, “Manchester Siti”ning birinchi muammosi — yarim himoyada kerakli nazorat va muvozanatni tiklash uchun jarohat olgan yarim himoyachi Rodrini zudlik bilan almashtirish zarurati.
Ikkinchi muammo — hujumda norvegiyalik Erling Holandga haddan tashqari tayanishi. Ya’ni hujum chizig‘ida yetarli kuch va qo‘llab-quvvatlash yo‘qligi sababli jamoa gollar urishda qiyinchiliklarga duch kelmoqda. Uchinchi muammo— “shaharliklar” himoyasidagi beqarorlik. Bu jamoaning ko‘p o‘tkazib yuboraytogan gollarida va tarkib va o‘yin uslubidagi doimiy o‘zgarishlarda namoyon bo‘lmoqda.
Bundan tashqari, nashr “Manchester Siti”ning hujumda sovuqqonlik ko‘rsata olmasligi, o‘yinchilarning ish qobiliyati pasaygani va har bir to‘p uchun kurashish istagi yo‘qligi, shuningdek, “Atletiko”ga ketgan argentinalik forvard Xulian Alvaresning o‘rnini bosuvchi transferlar bo‘lmaganiga urg‘u berdi.
Ma’lumot uchun, o‘tkazilgan 11 o‘yindan so‘ng “Manchester Siti” 23 ochko jamg‘arib, APL turnir jadvalida ikkinchi o‘rinda bormoqda.
Izoh (0)