APLning 12-turidan o‘rin olgan markaziy uchrashuv — “Manchester Siti” – “Tottenhem” bahsi 23-noyabr kuni o‘tkazildi.
Mazkur o‘yinda londonliklar raqiblari darvozasiga javobsiz to‘rtta gol urdi. Ushbu mag‘lubiyatdan so‘ng “shaharliklar” bir qator antirekordlarni o‘rnatdi.
Jumladan, “Manchester Siti” 1956-yilda “Chelsi”dan keyin ketma-ket beshta o‘yinda mag‘lub bo‘lgan birinchi amaldagi Angliya chempioni bo‘ldi.
Shuningdek, “Man Siti” 2017-yildan beri ilk bor 4 ta gol farqi bilan mag‘lub bo‘ldi.
Shu bilan birga, Gvardiola murabbiylik faoliyatida birinchi marta ketma-ket 5 ta mag‘lubiyat alamini totib ko‘rdi.
Bundan tashqari, “Man Siti” 2022-yildan beri ilk bor APLda o‘z uyida mag‘lub bo‘ldi. “Man Siti” 2006-yildan beri birinchi marta ketma-ket 5 o‘yinda mag‘lub bo‘ldi.
Maʼlumot uchun, APL doirasida “Manchester Siti”ning keyin o‘yini “Liverpul”ga qarshi bo‘lib o‘tadi.
Izoh (0)