“Manchester Siti” bosh murabbiyi Pep Gvardiola klub bilan shartnomasini yana bir mavsumga uzaytirishi mumkin.
The Telegraph nashrining yozishicha, ayni damda klub ispaniyalik murabbiy bilan shartnomasini yana bir mavsumga uzaytirishga kelishib olgan. “Manchester Siti” murabbiy bilan uzoqroq muddat ishlamoqchi, ammo hozirgi kelishuvdan ham mamnun.
Ma’lumot uchun, Pep Gvardiolaning “Manchester Siti” bilan shartnomasi 2025-yilning yoziga qadar amal qiladi. Mutaxassis 2016-yilning yozida inglizlar jamoasini qabul qilib olgandi. Gvardiola boshchiligida “shaharliklar” tarixda ilk bor Chempionlar Ligasida g‘olib bo‘ldi. 2022—2023-yilgi mavsumni “Manchester Siti” trebl bilan yakunlashga muvaffaq bo'ldi. Ispaniyalik murabbiy bilan “shaharliklar” 6 marta Angliya chempionligini qo‘lga kiritdi.
“Manchester Siti” Angliya chempionati turnir jadvalida 7 turdan keyin 17 ochko to‘plagan holda ikkinchi o‘rinda bormoqda.
Izoh (0)