Chempionlar Ligasi turnirining umumiy bosqichi 5-turidan o‘rin olgan “PSJ” klubi “Bavariya”ga 0:1 hisobida mag‘lubiyatga uchradi.
Fransiya klubi bosh murabbiyi Luis Enrike mag‘lubiyatdan so‘ng klub murabbiylari orasida antirekord qayd etdi. Bu haqda ijtimoiy tarmoqlarda Stats Foot portali xabar berdi.
Manba bergan xabarga ko‘ra, ispaniyalik mutaxassis Chempionlar Ligasida Fransiya klubi bilan 17 uchrashuvdan 8 tasida mag‘lub bo‘lgan.
Bungacha yevrokubok bahslaridagi klub tarixidagi eng yomon natijani Loran Blan qayd etgandi. Fransiyalik mutaxassis 30 ta o‘yindan 7 tasida mag‘lub bo‘lgan.
Ma’lumot uchun, beshta o‘yindan so‘ng “PSJ” 4 ochko bilan Chempionlar Ligasi turnir jadvalida 26-o‘rinda bormoqda.
Izoh (0)