Germaniyalik murabbiy Tomas Tuxel 2025-yildan boshlab Angliya terma jamoasini boshqaradi. Bu haqda terma jamoa matbuot xizmati X (sobiq Twitter) ijtimoiy tarmog‘ida xabar berdi.
Tuxelning inglizlar bilan shartnomasi 2026-yilning iyuligacha mo‘ljallangan va kelishuv 2025-yilning yanvarida kuchga kiradi, murabbiyning o‘zi buni Angliya futbol assotsiatsiyasidan so‘ragan.
Ma’lumot uchun Sautgeyt bilan birgalikda Angliya jamoasi 2024-yilgi Yevropa chempionati finaliga yo‘l oldi. 14-iyul kuni bo‘lib o‘tgan uchrashuvda Ispaniya terma jamoasi 2:1 hisobida zafar quchdi.
Li Karsli ayni damda Angliya terma jamoasining vaqtinchalik bosh murabbiyi hisoblanadi.
51 yoshli Tomas Tuxelning avvalgi ish joyi Germaniyaning “Bavariya” klubi bo‘lib, u 2024-yilning may oyida tark etgandi. Bungacha Tomas “Chelsi”ni boshqargan va u bilan 2020—2021-yilgi mavsumda Chempionlar Ligasida g‘olib chiqqan. Faoliyati davomida germaniyalik mutaxassis “PSJ”, “Borussiya” klublarida ham ishlagan.
Izoh (0)