Germaniyaning uchta klubi 29 yil ichida ilk bor yevrokuboklar yarim finaliga chiqdi

Germaniyaning uchta klubi 29 yil ichida ilk bor yevrokuboklar yarim finaliga chiqdi.

“Bavariya” va “Borussiya” (Dortmund) Chempionlar Ligasining yarim finalida o‘ynaydi, “Bayer” esa Yevropa Ligasining hal qiluvchi final o‘yinida ishtirok etish uchun kurashadi. Oxirgi marta bunday natija 1994—1995-yilgi mavsumda qayd etilgandi. E’tiborli jihati, o‘sha paytda ham aynan shu klublar bunday natijani qayd etgan.

Chorak finalda “Bavariya” Londonning “Arsenal” jamoasidan kuchliroq bo‘lib chiqdi (umumiy hisobda — 3:2) va jamoa yarim finalda “Real”ga qarshi o'ynaydi. Birinchi o‘yin 30-aprel kuni, javob o‘yini 8-may kuni bo‘lib o‘tadi.

“Borussiya” chorak finalda “Atletiko”ni ikki o‘yin natijasiga ko‘ra 5:4 hisobida mag‘lub etdi va yarim finalga yo‘l oldi. Ular keyingi bosqichda “PSJ” bilan o‘ynaydi. Birinchi o‘yin 1-may kuni, javob o‘yini 7-may kuni bo‘lib o‘tadi.

“Bayer” Yevropa Ligasining chorak finalida “Vest Hem”ga imkoniyat qoldirmadi va klub yarim finalda “Roma” bilan o‘ynaydi. Birinchi o‘yin 2-mayda, ikkinchi o‘yin 9-mayda bo‘lib o‘tishi rejalashtirilgan.