Shimoliy Koreya terma jamoasi bosh murabbiyi Sim Yon Nam O‘zbekistonga qarshi o‘yin oldidan o‘tkazilgan matbuot anjumanida ishtirok etdi.
Murabbiy ertangi uchrashuvda muvaffaqiyat qozonish uchun barcha imkoniyatni ishga solishini aytdi. Uning so‘zlariga ko‘ra, jamoa buning uchun yetarlicha tayyorgarlik ko‘rgan.
“O‘yin bilan bog‘liq tayyorgarliklarni puxta bajardik. Uchrashuv davomida yuzaga kelishi mumkin bo‘lgan o‘zgarishlarga moslashish juda muhim. Shuningdek, raqib jamoaga qarshi alohida strategiyamiz mavjud. Buning ustida ish olib bordik. Futbolchilarimiz o‘yinga to‘liq tayyor va yaxshi natijaga erishishga harakat qilamiz”, degan Sim Yon Nam.
Matbuot anjumanida O‘zbekiston milliy terma jamoasi bosh murabbiyi Srechko Katanes ertaga maydonga tushadigan futbolchilar o‘zini ko‘rsatish vaqti kelganini aytgandi.
Shimoliy Koreya – O‘zbekiston uchrashuvi 19-noyabr, seshanba kuni Laos poytaxti Vyentyan shahri “Lao” stadionida bo‘lib o‘tishi rejalashtirilgan uchrashuv 17:00 da boshlanadi.
Izoh (0)