Шимолий Корея терма жамоаси бош мураббийи Сим Ён Нам Ўзбекистонга қарши ўйин олдидан ўтказилган матбуот анжуманида иштирок этди.
Мураббий эртанги учрашувда муваффақият қозониш учун барча имкониятни ишга солишини айтди. Унинг сўзларига кўра, жамоа бунинг учун етарлича тайёргарлик кўрган.
“Ўйин билан боғлиқ тайёргарликларни пухта бажардик. Учрашув давомида юзага келиши мумкин бўлган ўзгаришларга мослашиш жуда муҳим. Шунингдек, рақиб жамоага қарши алоҳида стратегиямиз мавжуд. Бунинг устида иш олиб бордик. Футболчиларимиз ўйинга тўлиқ тайёр ва яхши натижага эришишга ҳаракат қиламиз”, деган Сим Ён Нам.
Матбуот анжуманида Ўзбекистон миллий терма жамоаси бош мураббийи Сречко Катанес эртага майдонга тушадиган футболчилар ўзини кўрсатиш вақти келганини айтганди.
Шимолий Корея – Ўзбекистон учрашуви 19 ноябрь, сешанба куни Лаос пойтахти Вьентьян шаҳри “Лао” стадионида бўлиб ўтиши режалаштирилган учрашув 17:00 да бошланади.
Изоҳ (0)