OFK tomonidan o‘tgan yil yakunlariga bag‘ishlangan taqdirlash marosimida Abbosbek Fayzullayev “Yilning eng yaxshi yosh futbolchisi” sifatida eʼtirof etilgan edi.
Ayni kunlarda O‘zbekiston milliy terma jamoasi tarkibida Ventyan shahrida bo‘lib turgan futbolchiga O‘FA rahbariyati tomonidan ushbu mukofot topshirildi.
AFC Awards 2023 taqdirlash marosimida o‘zbekistonlik futbolchidan tashqari yaponiyalik Kagu Navata (“Kamigaku U-18”) hamda Janubiy koreyalik Bae Jun Ho (“Stok Siti”) ushbu mukofotga nomzodlar qatorida tilga olingan edi.
Eslatib o‘tamiz, Fayzullayev kecha, 14-noyabr kuni Qatarga qarshi bo‘lib o‘tgan o‘yinda “dubl”ga erishgandi.
Maʼlumot uchun, bugun O‘zbekiston MTJ KXDRga qarshi safar uchrashuvida ishtirok etish uchun Laos poytaхti Ventyan shahriga yetib keldi.
KXDR — O‘zbekiston uchrashuvi 19-noyabr Toshkent vaqti bilan 17:00 da “Lao” stadionida boshlanadi.
Izoh (0)