SSSR kinoprokatining mutlaq yetakchisi “Yeseniya” filmining bosh qahramoni 50 yildan so‘ng qanday ko‘rinishda?

Sovet ittifoqi davrida kinoteatrga borish eng ommabop dam olish turlaridan biri edi. Odamlar kinoga butun oila bo‘lib, hatto maktab o‘quvchilari esa butun sinf bo‘lib borishardi. Buning bir necha sababi bo‘lgan. Birinchidan, bilet narxi arzon edi — kunduzgi seans chiptasi bitta muzqaymoq qiymatiga teng edi. Ikkinchidan, madaniy hordiq chiqarish uchun joylar juda kam bo‘lgan.

Prokatda eng muvaffaqiyatli sovet filmlari orasida rejissyor Boris Durov tomonidan suratga olingan birinchi sovet jangovar filmi “XX asr qaroqchilari” bo‘ldi. Uni SSSRning 87 million aholisi tomosha qilgan. Vladimir Menshovning “Moskva ko‘z yoshlarga ishonmaydi” melodramasi (84 million) va Gaydayning “Brilliant qo‘l” komediyasi (76 million) yetakchilik qilgan. Ammo kinoprokatning mutlaq rekordchisi chet el kartinasi — deyarli 92 million kishi tomosha qilgan Meksikaning “Yeseniya” melodramasi bo‘ldi.

“Goskino”dagilar nima bo‘layotganini tushunmay hayratda edi. Qanday qilib meksikacha kartina sovet prokatining yetakchisiga aylandi? Odamlar esa hamon kinoteatrlarga borishardi...

Ko‘plab ayollar bosh qahramon liboslari fasonini eslab qolish va shunga o‘xshash ko‘ylaklar tiktirish uchun seanslarga ikki-uch martadan tushishardi.

Qizig‘i shundaki, film hatto Xitoyda ham juda mashhur bo‘lib ketadi — har yili qayta-qayta namoyish etiladi.

Film nima haqida?

Syujet markazida ofitser bilan ishqiy munosabatda bo‘lgan go‘zal lo‘li qiz Yeseniya turadi. U yigit bilan juda g‘alati vaziyatda tanishgan — qiz Osvaldoning hamyonini o‘g‘irlagan, keyin esa sevib qolgan...

Yoshlar lo‘lilarning barcha urf-odatlariga rioya qilgan holda turmush qurishga qaror qilishdi. Yeseniya tabordan chiqib ketadi va eri bilan yashay boshlaydi. Ammo kutilmaganda Osvaldoning muammolari boshlanadi, uni hibsga olishadi va Yeseniya uyiga qaytadi.

Bir kuni esa Yeseniyaning buvisi nevarasiga haqiqatni aytishga qaror qiladi. Ma’lum bo‘lishicha, aslida Yeseniya badavlat oiladan bo‘lib, ota-onasi undan voz kechgan ekan.

Uzoq o‘ylab o‘tirmay, lo‘li qiz haqiqiy oilasining oldiga boradi va Luiza ismli singlisi borligidan xabar topadi. Shu payt kutilmaganda uyda Osvaldo paydo bo‘ladi, u Luizani ko‘rgani kelgan ekan.

Ma’lum bo‘lishicha, uzoq vaqt asirlikdan qaytgan Osvaldo Yeseniyani izlab, topolmaydi... Qayta uchrashgan Yeseniya va Osvaldo endi bir-birisiz yashay olmaydi, muhabbati tufayli yuragi singan singlisi esa Yeseniyaning baxtini o‘ylab, chet elga ketadi.

50 yildan so‘ng...

Bosh rolni meksikalik aktrisa Jaklin Andere o‘ynagan, aslida bu rol dastlab boshqa taniqli aktrisa Fanni Kano uchun mo‘ljallangan edi. Ammo Fannining juda badavlat va nufuzli turmush o‘rtog‘i bu loyihada rol o‘ynashni unga taqiqlaydi.

Osvaldo rolini meksikalik aktyor Xorxe Lavat o‘ynagan, u keyinchalik yana 76 ta filmda rol o‘ynaydi, lekin afsuski, 2011-yilda bu dunyoni tark etadi.

Yeseniyaning singlisi rolini o‘ynagan aktrisa Luisa Irma Lozano ham 11 yil oldin vafot etgan. Jaklin esa yaqinda tavalludining 86 yilligini nishonladi.

U hozir ham juda chiroyli. Qizi ham o‘zi kabi aktrisa bo‘lgan. Bugungi kunda Jaklin nevara va chevaralari tarbiyasi bilan mashg‘ul.