Kinoaktyor bo‘lish qanday ajoyib: muxlislar, nufuzli mukofotlar, shon-shuhrat va gonorarlar. Ammo salbiy tomoni ham bor — ba’zida juda holdan toydiradigan va hatto xavfli bo‘lishi mumkin bo‘lgan suratga olish ishlari. Kimdir muzdek suvda suzishi kerak, kimdir zo‘rg‘a topilgan delikateslarni hamkasblariga uloqtirishi kerak.
Nikolay Ribnikov
Dastlab “Qizlar” filmidagi Ilya Kovrigin roli uchun Vladimir Treshalov tanlangan, ammo Nikolay Ribnikov bu obrazni o‘ynashni juda xohlaydi. Buning uchun u 2 hafta ichida 20 kg ga ozib, rolni qo‘lga kiritadi.
Ammo bu aktyor suratga olish jarayonida o‘tishi kerak bo‘lgan so‘nggi sinov emas edi. Film ijodkorlari Tosya daraxt kesuvchilarga qo‘ziqorin sho‘rva olib kelgan sahnani suratga olinayotganda havo juda sovuq edi. Sho‘rva o‘rniga qozonda oddiy qaynoq suv bo‘ladi. Bir payt Nikolay Ribnikov rolga shunchalik kirishib ketadiki, qoshiqni yalab oladi, natijada qoshiq labiga yopishib qoladi. Rejissor shifokorni chaqirmoqchi bo‘ladi, lekin aktyor muzlab qolgan qoshiqni labidan shartta ko‘chirib oladi.
Leonid Kuravlyov va Yuriy Yakovlev
“Ivan Vasilyevich o‘z kasbini o‘zgartiradi” filmidagi hashamatli shohona tushlik stolini ushbu yorqin komediyani tomosha qilgan har bir kishi eslaydi. Odatda sovet kinosida sun’iy yasama taomlar ishlatilgan, ammo Leonid Gayday boshqacha yo‘l tutadi — u o‘z pulini, ya’ni 200 rublni (o‘sha paytda o‘rtacha oylik maoshdan ko‘proq edi) haqiqiy ikra va osyotr olish uchun sarflaydi.
Shu sababli Leonid Kuravlyov va Yuriy Yakovlev qahramonlari kamonchilarga dasturxondagi noz-ne’matlarni otishganda, nafaqat aktyorlar, balki butun suratga olish guruhi g‘azabdan titrab ketadi.
Natalya Krachkovskaya
Natalya Krachkovskayaning qahramoni aytadigan sahna: “Seniyam davolashadi, seniyam davolashadi. Meniyam davolashadi” jumlasi aktrisa uchun oson bo‘lmagan. U bir vaqtning o‘zida ikkita parik kiyishi kerak edi, pariklar terini dahshatli tarzda qichishtirganidan uning yuzi shishib keta boshlaydi. Aktrisa aynan shu epizodni suratga olish paytida yig‘laganini yaxshi eslaydi.
Anatoliy Papanov
“Brilliant qo‘l” filmidagi “Klev” epizodini suratga olish paytida Anatoliy Papanov sovuq suvda ko‘p qolib ketadi, suvning harorati taxminan 8°C edi. Rejissor yordamchisi “texnik sabablarga ko‘ra” kerakli kadrni suratga ololmaydi. Shunda aktyor o‘zini tuta olmaydi va “Ahmoq!” deb baqiradi. Rejissor Leonid Gaydayga bu kadr yoqib qolganidan aynan shu sahna yakuniy versiyaga kiritiladi.
Peteris Gaudinsh
“Jasoratli ritsar Ayvengo haqida ballada” filmini suratga olish jarayonida mablag‘ bilan bog‘liq muammolar boshlanadi. Aktyorlar uchun arenada otlarda mashq qilishga pul to‘lasholmaydi. Ayvengo rolini ijro etgan Peteris Gaudinshning so‘zlariga ko‘ra, uni tayyorgarliksiz otga mindirishgan va darhol suratga olishgan.
Mavzuga doir:
- “Tutqich bermas firibgar”, “O‘zga sayyoralik”, “Linkoln” — Stiven Spilbergning eng yaxshi filmlari
- Qahramonlari qiyofasini o‘zgartirib, filmning omadli chiqishiga hissa qo‘shgan aktyor va aktrisalar
- Hammaning og‘zida “Uenzdey”: nima uchun Addamslar oilasining g‘amgin qizi haqidagi serial rekordlarni yangilamoqda?
Izoh (0)