Sovet ittifoqining quyidagi mashhur aktyor va aktrisalarini bolaligimizdagi ertak-filmlarda sevib tomosha qilganmiz. Ammo ular boshqa janrlardagi ko‘plab filmlarda ham mahorat bilan rol o‘ynashgan.
Inna Churikova
Churikova juda ko‘p filmlarda o‘ynagan. Tomoshabinlar sevib tomosha qilgan filmlar — “Yana o‘sha Myunxauzen”, “Ayoz bobo”, “Kuryer” shular jumlasidan. “Muqaddima” filmida yulduz ikkita rolni ijro etadi: Pasha Stroganova va Janna D’Ark.
Yelena Sanayeva
Sanayeva kinoaktyorlar oilasida tug‘ilgan. Uning butun hayoti teatr va kinoga bog‘lanadi. Maktab o‘quvchilari uni ko‘proq “Buratinoning sarguzashtlari” filmidagi Alisa laqabli tulki rolida eslashadi. Ushbu loyihada ishtirok etgandan so‘ng, Yelena jiddiy qahramonlar rollarini o‘ynashga taklif qilinmaydi va u bitta rolning “asiri”ga aylanadi. Hozirda uning 50 dan ortiq filmlari bor.
Libushe Shafrankova
Libushe o‘zining Zolushka obrazidagi afsonaviy rolidan keyin hammaning sevimlisiga aylanadi. Ushbu film qizga nafaqat ona yurtida, balki xorijda ham shuhrat keltiradi. Faoliyati davomida aktrisa ko‘p marta ertaklarda o‘ynagan, ammo uning filmografiyasida boshqa janrdagi filmlar ham mavjud.
Natalya Popova
Ko‘pchilik Natalyani “O‘n ikki oy” ertagidagi nozik va mehribon o‘gay qiz roli orqali eslaydi. Aynan shu roli tomoshabinlarning mehrini qozonadi.
Bundan tashqari, “Doktor chaqirtirganmidingiz?” filmida u asosiy rol — terapevt Katya Luzinani o‘ynaydi. Uning qahramoni kollejni yaqinda tugatgan va birinchi marta kasalxonada ishlashga kelgan. Ammo qizning odamlarga bo‘lgan mehri va qat’iyati barcha qiyinchiliklarni yengishiga yordam beradi. Aktrisaning so‘nggi roli “Ko‘cha” teleserialidagi Galya xola edi.
Yuriy Senkevich
Yuriy “Suv parisi”dagi shahzoda sifatida ko‘plab qizlarning qalbini zabt etishga muvaffaq bo‘ladi. Ammo bunday istiqbolli film debyutiga qaramay, aktyor ko‘p rollari bilan maqtanolmaydi. Shunga qaramay, uning barcha qahramonlari rang-barang va esda qolarli edi.
Aktyor “Olis yo‘l” filmida uchuvchi, “Sizga telegramma...” filmida politsiyachi Anton rolini o‘ynagan.
Yevgeniya Simonova
“Oddiy mo‘jiza” ertagidagi malika roli Yevgeniya Simonova uchun kino olamiga haqiqiy tramplin bo‘ladi. Ushbu filmdan so‘ng qiz tom ma’noda turli loyihalarda ishtirok etish takliflariga “ko‘miladi”. Yillar davomida yulduz o‘zini ko‘plab rollarda sinab ko‘rishga muvaffaq bo‘ladi. Yevgeniya Simonovaning unutilmas rollaridan yana biri “G‘aroyib bola” filmidagi ingliz tili o‘qituvchisi — Valentina Nikolayevna roli bilan ham ko‘pchilikning yodida qolgan.
Izoh (0)