O‘zbekiston va Qirg‘iziston o‘rtasidagi 3 ta chegara bojxona postlarida 6-noyabr kuni transport harakati vaqtincha to‘xtatiladi.
Bu paytda Qirg‘iziston Respublikasining “Kizil-Kiya” chegara bojxona posti axborot tizimlarida texnik taʼmirlash ishlari amalga oshiriladi.
Bundan tashqari, Namangan viloyati bojxona boshqarmasining “Uchqo‘rg‘on” chegara bojxona posti orqali 6-noyabr kuni yuk va yengil avtotransport vositalarining harakati vaqtinchalik to‘xtatiladi.
Bu esa Qirg‘iziston Respublikasining “Ken-say” chegara bojxona posti axborot tizimlarida texnik taʼmirlash ishlari amalga oshirilishi munosabati bilan amalga oshiriladi.
Avvalroq Andijon viloyatining Xo‘jaobod tumanidagi “Do‘stlik” chegara bojxona postida transport harakati vaqtincha to‘xtatilishi aytilgandi.
Shuningdek, Quvasoy shahrida joylashgan Farg‘ona viloyati bojxona boshqarmasining “O‘zbekiston” chegara bojxona posti orqali 6-noyabr kuni yuk va yengil avtotransport vositalarining harakati vaqtinchalik to‘xtatiladi.
Izoh (0)