Dubay—Toshkent aviareysida uchib kelgan ayol aeroportda vafot etgani haqida xabarlar tarqaldi. Bosh prokuratura axborot xizmati rahbari Hayot Shamsutdinov buni rad etdi.
Tarmoqda tarqalgan xabarlarda ayol bojxona tekshiruvidan o‘tayotganida vafot etgani aytilgan.
“Aeroportda bir ayol vafot etgani haqidagi xabarlar mutlaqo haqiqatga to‘g‘ri kelmaydi”, deyiladi Hayot Shamsutdinov bergan axborotda.
Uning bildirishicha, 8-oktyabr kuni Dubay—Toshkent aviareysida uchib kelgan 1986-yilda tug‘ilgan ayolning sog‘lig‘i yomonlashgan. Hozirda ayol shifoxonaga yotqizilib, unga zarur tibbiy yordam ko‘rsatilmoqda.
Shu kabi holat may oyida ham kuzatilgandi. Toshkent aeroportining uchib kelish zalida yo‘lovchi ayol hushidan ketgandi. Bojxona nazoratiga o‘tish joyida yo‘lovchilar to‘planib qolgan. Tegishli xizmatlar maʼlumotlariga ko‘ra, Bojxona qo‘mitasi xodimlari tomonidan fuqarolarga bir necha bor qonun hujjatlari bo‘yicha tushuntirishlar berilganiga qaramay, ko‘p miqdorda yuki bo‘lgan bir necha yo‘lovchilar tijorat maqsadida olib kelingan tovarlarni bojxona nazoratidan o‘tkazish va rasmiylashtirishdan bosh tortgan.
Izoh (0)