Ўзбекистон ва Қирғизистон ўртасидаги 3 та чегара божхона постларида 6 ноябрь куни транспорт ҳаракати вақтинча тўхтатилади.
Бу пайтда Қирғизистон Республикасининг “Кизил-Кия” чегара божхона пости ахборот тизимларида техник таъмирлаш ишлари амалга оширилади.
Бундан ташқари, Наманган вилояти божхона бошқармасининг “Учқўрғон” чегара божхона пости орқали 6 ноябрь куни юк ва енгил автотранспорт воситаларининг ҳаракати вақтинчалик тўхтатилади.
Бу эса Қирғизистон Республикасининг “Кен-сай” чегара божхона пости ахборот тизимларида техник таъмирлаш ишлари амалга оширилиши муносабати билан амалга оширилади.
Аввалроқ Андижон вилоятининг Хўжаобод туманидаги “Дўстлик” чегара божхона постида транспорт ҳаракати вақтинча тўхтатилиши айтилганди.
Шунингдек, Қувасой шаҳрида жойлашган Фарғона вилояти божхона бошқармасининг “Ўзбекистон” чегара божхона пости орқали 6 ноябрь куни юк ва енгил автотранспорт воситаларининг ҳаракати вақтинчалик тўхтатилади.
Изоҳ (0)