Arab klublari o‘rtasida Chempionlar Kubogi. “An-Nassr” Ronalduning goli evaziga Iroq klubini yengib, final yo‘llanmasini qo‘lga kiritdi

Futbol bo‘yicha arab klublari o‘rtasidagi Chempionlar Kubogi bahsining yarim finalida “An-Nassr” Iroqning “Shorta” jamoasiga qarshi bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa “An-Nassr” hisobni ochdi. 75-daqiqada Krishtianu Ronaldu penaltidan unumli foydalandi. Ushbu gol o‘yin yakuniga qadar yagonaligicha qoldi va Ar-Riyod jamoasiga g‘alaba keltirdi.

Shu tariqa “An-Nassr” arab klublari o‘rtasidagi Chempionlar Kubogi finaliga yo‘l oldi. 

Ikkinchi yarim finalda Saudiya klublari “Al-Hilol” va “Ash-Shabob” final yo‘llanmasi uchun bahs olib boradi.

Chempionlar Kubogi

9-avgust, chorshanba

“Shorta” Iroq – “An-Nassr” Saudiya Arabistoni 0:1 

Gol: 0:1 – Ronaldu (75, penalti).

“Al-Nasr”: Al-Akidi, Al-Ganam, Lajami, Madu, Aleks Telles, Al-Haybari, Marselo Brozovich, Seko Fofana, Taliska, Sadio Mane, Krishtianu Ronaldu.