Arab klublari o‘rtasida Chempionlar Kubogi. “An-Nassr” Misr klubi bilan durang o‘ynadi va pley-offga yo‘l oldi

Futbol bo‘yicha arab klublari o‘rtasidagi Chempionlar Kubogi bahsining 3-tur o‘yinida “An-Nassr” “Zamalek” jamoasiga qarshi bahs olib bordi.

Uchrashuv 1:1 hisobi bilan yakunlandi. Portugaliyalik hujumchi Krishtianu Ronaldu 87-daqiqada gol urib, jamoasining durang natija qayd etishiga hissa qo‘shdi.

Ma’lumot uchun, “An-Nassr” Chempionlar Kubogining 1-turida “Ash-Shabob” bilan 0:0 hisobida durang natija qayd etgandi. 2-turda esa Tunisning “Monastir” jamoasi 4:1 hisobida taslim etilgandi. 

Ortda qolgan 3 turdan so‘ng Ar-Riyod jamoasi C guruhida 5 ochko jamg‘arib, pley-off bosqichiga yo‘l oldi. 

Chempionlar Kubogi

3-avgust, payshanba

“Zamalek” Misr – “An-Nassr” Saudiya Arabistoni 1:1 

Gollar: 1:0 – 53 Zizo (penalti), 1:1 – 87 Ronaldu.

“An-Nassr”: Al-Akidi, Al-Ganam, Lajami, Madu (Al-Amri, 46), Telles (Konan, 64), Brozovich, Fofana (Al-Hassan, 92), Aleva (Mane, 46), Garib (Al-Sulayxim, 64), Taliska, Ronaldu.