Futbol bo‘yicha Saudiya Qirol Kubogining finalida “Al-Hilol” va “An-Nassr” 31-may, juma kuni o‘zaro bahs olib bordi.
Uchrashuvning 7-daqiqasida Aleksandar Mitrovich hisobni ochdi. Bo‘lim “Al-Hilol”ning kichik ustunligi bilan yakunlandi.
Ikkinchi bo‘limda esa jamoalar yana xavfli vaziyatlarni yarata boshladi. Ar-Riyod klubi hujumchisi Ronaldu chalqancha uslubda zarba berdi, biroq to‘p darvoza ustuniga tegdi. 56-daqiqada “An-Nassr” darvozaboni Ospina qizil kartochka olib, maydonni tark etdi.
87-daqiqada “Al-Hilol” a’zosi Al Bulayhi ham qizil kartochka oldi. 88-daqiqada “An-Nassr” futbolchisi Ahmed hisobni tenglashtirishga muvaffaq bo‘ldi. 90-daqiqada esa Kulibali ham qizil oldi. Shu tariqa “Al-Hilol” 9 kishi, “An-Nassr” esa 10 kishi bo‘lib o‘yinni davom ettirishiga to‘g‘ri keldi.
Asosiy bo‘limlarda g‘olib nomi aniqlanmagach, jamoalar qo‘shimcha bo‘limlarga murojaat qildi. Qo‘shimcha bo‘limlarda esa darvozalar daxlsiz qoldi. Penaltilar seriyasida “Al-Hilol” 5:4 hisobida g‘alaba qozondi va Saudiya Qirol Kubogi sohibiga aylandi.
Saudiya Qirol Kubogi
Final
31-may, juma
“Al-Hilol” – “An-Nassr” 1:1
Gollar: 1:0 – 7 Mitrovich, 1:1 – 88 Yahyo.
“Al-Hilal”: Bunu, Abdelhamid, Kulibali, Al-Bulayhi, Lodi (Al-Shahrani, 46), Al-Faraj (Kanno, 74), Ruben Nevesh, Al-Dosari (Al-Hamdan, 110), Maykl Richard (Al-Breyk, 86; Tombakti, 90), Malkom (Al-Dosari, 109), Mitrovich.
“An-Nassr”: Ospina, Al-Ganam, Al-Avjami, Al-Amri (Abdulla, 59), Telles, Yahyo (Al-Nemer, 105), Brozovich (Al-Naji, 69), Otavio (Al-Hassan, 81), Al-Haybari, Ronaldu, Mane (Garib, 59).
Ogohlantirishlar: Lodi (22), Otavio (26), Kulibali (28), Al-Faraj (33), Maykl Richard (40), Al-Amri (45+1), Al-Bulayhi (87), Al-Shahrani (98), Telles (106), Kanno (108), Al-Ganam (120+1).
Chetlatish: Ospina (56), Al-Bulayhi (87), Kulibali (90).
Izoh (0)