Ronalduning dubli “An-Nassr”ni Saudiya Qirol Kubogi finaliga olib chiqdi

Futbol bo‘yicha Saudiya Qirol Kubogining yarim finalida “An-Nassr” 1-may, chorshanba kuni “Al-Holij”ga qarshi bahs olib bordi.

Uchrashuvning 17-daqiqasida Krishtianu Ronaldu ajoyib zarbasi bilan hisobni ochdi. 37-daqiqada Sadio Mane penaltidan unumli foydalanib, hisobni ishonchli ko‘rinishga olib keldi.

Ikkinchi bo‘limda esa Ar-Riyod klubi faol harakat qildi. 57-daqiqada Ronaldu dublni rasmiylashtirdi. 82-daqiqada “Al-Holij” futbolchisi Altryes hisobni qisqartirishga muvaffaq bo‘ldi.

Uchrashuv 3:1 hisobida “An-Nassr”ning g‘alabasi bilan yakunlandi va jamoa final yo‘llanmasini qo‘lga kiritdi.

Yana bir yarim final bahsida “Al-Hilol” “Al-Ittihod” ustidan 2:1 hisobida g‘alaba qozonib, finalga chiqqandi.

Saudiya Qirol Kubogi

1/2 final

1-may, chorshanba

“An-Nassr” – “Al-Holij” 3:1

Gollar: 1:0 – Krishtianu Ronaldu (17), 2:0 – Mane (37, penalti), 3:0 – Krishtianu Ronaldu (57), 3:1 – Altryes (82).