OFK Elit Chempionlar ligasi 3-turi doirasidagi ushbu uchrashuv xavfsizlik nuqtai nazaridan Tehronda emas, Dubayda o‘tadi.
“ ‘An-Nassr’ — ajoyib jamoa. Tarkibida ajoyib o‘yinchilar yig‘ilgan. O‘zim ham bu jamoada oldin to‘p surganman va bu klubdan faqat yaxshi xotiralar qolgan. Ammo unutmang, biz ham “Istiqlol”miz, faqat g‘alabani ko‘zlaymiz. Bizning tarkibimizda ham kuchli futbolchilar jamlangan va Dubayga faqat g‘alaba ilinjida kelganmiz. Bu o‘yinda bizdan g‘alabani kutishadi. Dubayda eronliklar juda ko‘pligini bilaman va ular ertaga bizni yolg‘izlatib qo‘ymasligi aniq. Stadion muxlislarimiz bilan to‘lishiga aminman. Ular g‘alabamizga guvoh bo‘lishlari uchun borimizni beramiz. Uyga 3 ochko bilan qaytishimiz kerak” deydi Jaloliddin Masharipov.
Eslatib o‘tamiz, “Istiqlol” — “An-Nassr” o‘yini bugun, 22-oktyabr kuni bo‘lib o‘tadi. Ushbu uchrashuvda Jaloliddin Masharipov asosiy tarkibda tushishi kutilmoqda.
Izoh (0)