Saudiya Pro Ligasi. “An-Nassr” Ronalduning so‘nggi daqiqalarda urgan goli evaziga g‘alaba qozondi

Futbol bo‘yicha Saudiya chempionatining 7-turida “An-Nassr” 18-oktyabr, juma kuni “Ash-Shabob” mehmoni bo‘ldi.

Uchrashuvning birinchi bo‘limida darvozalar ishg‘ol etilmadi.

Ikkinchi bo‘limda Ar-Riyod klubi faollikni oshirdi va hisobni ochdi. 69-daqiqada urilgan gol muallifi Emerik Lyaport bo‘ldi. O‘yin oxirida esa endigina maydonga tushgan Al-Hassan avtogol muallifiga aylandi va hisobni tenglashishiga sababchi bo‘ldi. 

90+7-daqiqada esa Krishtianu Ronaldu penaltini aniq amalga oshirdi va jamoasining g‘alabasini ta’minladi.

Shu tariqa uchrashuv 2:1 hisobida Ar-Riyod jamoasining g‘alabasi bilan yakunlandi.

“An-Nassr” jamoasining joriy mavsumdagi natijalari: 

1-tur. “An-Nassr” — “Ar-Raed” 1:1

2-tur. “Al-Fayha” — “An-Nassr” 1:4

3-tur. “An-Nassr” — “Al-Ahli” 1:1

4-tur. “Al-Ittifoq” — “An-Nassr” 0:3

5-tur. “An-Nassr” — “Al-Vahda” 2:0

6-tur. “An-Nassr” — “Al-Oruba” 2:0

---

Saudiya Pro Ligasi

7-tur bahsi

18-oktyabr, juma

“Ash-Shabob” — “An-Nassr” 1:2

Gollar: 0:1 – 69 Lyaport, 1:1 — 90 Al-Hassan, 1:2 — 90+7 Ronaldu (penalti).

“Ash-Shabob”: Kim Sin Gyu, Al Sibyani (Al Saadi, 76), Al-Tain, Renan, Xudt, Al-Sharari, Guanka, Kuelyar (Kamara, 76), Bonaventura (Al-Juvayr, 46), Ferreyra Karrasko (Kanaba, 68), Amdalla.

“An-Nassr”: Bento, Al-Najdi (Al-Avjami, 58), Laport, Simakan, Bushal (Yahyo, 65), Brozovich, Al-Haybari, Otavio (Al-Hassan, 87), Taliska (Garib, 57), Mane, Ronaldu.

Ogohlantirishlar: Bonaventura (28), Al-Najdi (31), Al Sibyani (45), Taliska (50), Al-Avjami (79).