Agar Vashington AQSHdagi prezidentlik saylovlaridan keyin Kiyevni qo‘llab-quvvatlashni to‘xtatsa, Ukraina uchun bu juda qiyin bo‘ladi.
Bu haqda Ukraina prezidenti Vladimir Zelenskiy Times of India nashriga bergan intervyusida aytib o‘tdi.
“Ko‘p narsa AQSH siyosatiga bog‘liq. Menimcha, hamma narsa AQSHdagi saylovlarga bog‘liq desak, to‘g‘riroq bo‘ladi. Ko‘p narsa, lekin hammasi emas. Ukrainadagi urushning boshlanishida xalqimiz AQSH va boshqa ittifoqdoshlarning yordamisiz ham munosib tura oldi” dedi Zelenskiy.
Uning so‘zlariga ko‘ra, AQSHning yangi prezidenti kim bo‘lishini hozirdan aniq aytish qiyin.
Zelenskiy, agar AQSH siyosati o‘zgarsa va Vashington Ukrainani qo‘llab-quvvatlamasa, Ukraina uchun juda qiyin bo‘lishini tan oldi.
“Agar siyosat butunlay o‘zgarsa, biz qanday chora topish haqida o‘ylashimiz kerak bo‘ladi”, dedi u.
AQSHda prezidentlik saylovlari 5-noyabr kuni bo‘lib o‘tadi.
Izoh (0)