Pentagon rahbari Lloyd Ostin Kiyevga tashrif buyurdi. Uning bu tashrifi avvaldan ma’lum qilinmagani e’tiborga molik.
Qayd etilishicha, AQSH mudofaa vaziri Vashington prezidentlik saylovlari oldidan Kiyevni qo‘llab-quvvatlashga sodiq ekanini namoyish qilish uchun Ukrainaga kelgan. Bu haqda Reuters agentligi xabar berdi.
Lloyd Ostinning Zelenskiy bilan uchrashuvi chog‘ida Ukraina mudofaa qobiliyatini mustahkamlash masalasini muhokama qildi.
Shuningdek, AQSH mudofaa vaziri Ukrainaga o'q-dorilar, harbiy texnika va qurollar uchun yana 400 million dollar ajratilishini aytib o‘tdi.
Avvalroq AQSH prezidenti Jo Bayden kelayotgan qish mavsumi Ukraina uchun qiyin bo‘lishini aytib, ittifoqchilar mamlakatni yordamsiz qoldirmasligi kerakligini ta’kidlagandi.
“Qish qiyin bo‘ladi, lekin biz taslim bo'la olmaymiz, Ukraina BMT nizomi qoidalariga mos keladigan aniq va mustahkam tinchlikka erishmaguncha, biz yordamni davom ettirishimiz kerak”, degandi Bayden.
Izoh (0)