Qarshi shahrida avtokredit mablag‘ini o‘zlashtirish holati aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, fuqarolar Sh.Q. va boshqalar fuqaro Sh.Q.ga hududiy tijorat banki filialidan ajratilgan kredit evaziga xarid qilingan BYD HAN avtomashinasini kredit taʼminoti sifatida garovga qo‘ymagan. Oqibatda bank manfaatlariga 620 mln so‘m zarar yetkazilgan.
Mazkur holat yuzasidan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkentda elektromobil, Qoraqalpog‘istonda yuk mashinasi, Qarshida kreditga olingan avtomashina sotib yuborilgani ma’lum qilingandi.
Iyul oyida Andijon va Farg‘ona viloyatlarida avtokredit evaziga xarid qilingan avtomashinalarni sotib yuborish holatlari haqida xabar berilgan edi.
Izoh (0)