Farg‘ona viloyati Quvasoy shahrida Captiva avtomashinasi olib beraman deb fuqaroni aldab, pullarni qo‘lga kiritgan shaxs javobgarlikka tortildi. Bu haqda viloyat Ichki ishlar boshqarmasi xabar qildi.
Qayd etilishicha, 2020-yilning yanvar oyida Sh.A tanishi A.X.ning ishonchiga kirib, unga arzon narxda Captiva olib berishini aytgan. Undan jami 15 ming dollar olib, o‘z ehtiyojlariga sarflab yuborgan.
Holat yuzasidan Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilgan.
Olib borilgan tezkor qidiruv harakatlari davomida ushbu jinoyatni A.U. sodir etgani aniqlangan. Hozirda tergov harakatlari olib borilmoqda.
Yuqorida ko‘rsatilgan jinoyatni sodir etgan shaxs o‘n yilgacha ozodlikdan mahrum qilish bilan jazolanishi mumkin.
Avvalroq Qashqadaryoda uch nafar fuqaroni temiryo‘l uzeliga ishga joylashtirish uchun qariyb 70 mln so‘m olgan shaxs ushlangani, Qashqadaryoda kameradosh ayolni 25,5 mln so‘mga tushirgan shaxs qo‘lga olingani, Toshkent viloyatida avtokredit uchun to‘langan 1,6 mlrd so‘mni noqonuniy o‘zlashtirgan shaxs ushlangani haqida xabar berilgan.
Izoh (0)